DILI, (Timorpost.com)—Ministério do Desenvolvimento Rural e Habitação Comunitária (MDRHC), liu husi Diresaun Jerál Dezenvolvimentu Rural hamutuk 150 tuir formasaun Nasionál ho tema jeral ‘’Hasa’e Koñesimentu Funsionáriu MDRHC Hodi Promove Servisu No Fasilita Komunitária Rúrais’’.
Ministro Dezenvolvimento Rural e Habitação Comunitaria (MDRHC), Mariano ASSANAMI Sabino hatete, maske Timor Leste (TL), ukun an tinan barak ona maibe dezenvolvimentu sei mukit, tanba ne’e tempu to’o ona atu ita halo dezenvolvimentu iha ita nia rai.
‘’Ida ne’e formasaun ida ne’ebe joven sira balun Sarjana tiha ona agora iha rekrutamentu para sira atu ba reforsa fali dezenvolvimentu rurais nian, sira sei ba Aldeia, ba Suku para reforsa husi kraik mai ita hatene katak Aldeia sai fatin ne’ebe maka Ma-nutrisaun ás, iha fatin ne’ebe ki’ak ne’e nafatin iha ne’eba, fatin ne’ebe laiha fatin servisu tanba ne’e maka ema ba servisu iha rai liur”. Dehan Mariano ASSANAMI Sabino ba Jornalista sira iha Timor Lodge, Segunda (10/06).
ASSANMI informa, alvu prinsipál ne’e oinsá maka ita atu hamenus kiak iha ne’eba, ita bele radika kiak iha ne’ebá, ita bele radikal Ma-nutrisaun iha ne’ebá, ita bele identifika potensia Aldeia, Suku ne’e para sai produtivu, entaun joven sira ne’e mak ita prepara para inovativu, kreativu sai joven ne’ebe maka produtivu para atu bele servisu hamutuk iha Aldeia Rurais sira.
‘’Ohin ha’u fó orientasaun jerál ne’e para sira bele hatene katak depois ukun-an tinan 21 ona ita kria Ministériu MDRHC, rural ne’e para atu haree liu oinsá maka dezenvolvimentu integradu iha Aldeia, Suku tanba osan lubuk ida ita tau maibé kiak lubuk ida ne’ebé sei nafatin iha, tanba ne’e ita presiza haree ida ne’e’’, dehan ASSANAMI.
Iha fatin hanesan Diretór Jerál Dezenvolvimentu Rural Filipe Cardoso Vieira hatete, formasaun ne’e importante tebes ba funsionariu sira molok tun ba baze.
‘’Formasaun ne’e objetivu atu hasae koñesimentu funsionariu sira nian, hodi hatene sira nia kna’ar no papél bainhira atu halo fasilitasaun servisu, iha nivel rurais’’, dehan DG Filipe hafoin lansa Formasaun Nasionál refere.
Materia sira ne’ebé aprezenta husi orador sira mak hanesan Jestaun Dezenvolvimentu ikan gurami, lele no nila (Aguacultura). Jestaun dezenvolvimentu pekúaria (Produtividade pekuaria), hakiak manu Rade no manu seluk-seluk. Jestaun no prátika konserva be no kuda be. Movimentu rural valor no prinsípiu dezenvolvimentu rural kontestu Timor Leste. Jestaun organizasaun no mobilizasaun rurais.
Enkuantu formasaun refere hala’o iha Hotel Timor Lodge, durante loron ha’at ho total formandu hamutuk atus ida lima nulu(150).
855 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Funsionáriu MDRHC 150 Tuir Formasaun Molok Dezloka ba Baze](https://timorpost.com/wp-content/uploads/2024/06/MATERIA.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)