DILI, (timorpost.com)—Primeiru Ministru Kay Rala Xanana Gusmão, hatán ba karta hosi Prezidente Repúblika nia preokupasaun problema setór saúde liga ba ai-moruk ho oin sériu hodi dehan, governu hatene maibe presiza lori tempu.
Xefe Governu ne’e dehan, problema sira governu haree mais laos ohin kedas tenke halo hanesan nee, atu muda buat ida nee, muda ho neneik no muda ho didiak, no muda ho baze. Aimoruk saida, no aimoruk ida neebe mak sei falta.
“Se Prezidente Repúblika dehan aimoruk la iha, ami mos hatene katak aimoruk mos la iha ona ne’e oinsa, maibe tanba nee husu ba Prezidente Repúblika moras saida mak ba konsulta aimoruk la iha ne’e. Ho ida ne’e ha’u bele responde hotu, la lika dehan deit ai-moruk la iha,”dehan Xanana ba Jornalista sira, hafoin ba hasoru ho Prezidente Repúblika Jose Ramos Horta iha Palasiu Prezidensiál Bairru-Pite Kinta (06/06).
Nia dehan, problema ai-moruk horsehik diskusti ona, aimoruk sei mai tan mai tan, hanoin katak aimoruk ne’e haruka fabrika ne’e mai.
“Aimoruk la iha ne’e, horsehik ami koalia tiha ona iha Konsellu Ministrus, aimoruk sei mai. Laos problema ida aimoruk ne’e SAMES nian, maibe aimoruk barak, laos problema barak la barak,”dehan nia.
Nia haktuir, Governu tama ba husu sira iha SAMES ne’e, aimoruk barak la uza, fora do prazu hotu, agora iha ne’eba hare, dala ruma hakarak lalais-lalais, halo saida maka serve, moras saida maka barak iha Timor, hanesan mear, entaun aimoruk ba mear ne’e tenke barak liu.
“Se lae ita sosa-sosa mai too iha fin de ano la uza Soe. Tanba ida ne’e mak ha’u mai fali governu ne’e atu kurje buat sira ne’e tanba ne’e ita halo hela avaliasaun neneik, imi hakarak lalais de’it, ita atu halo buat sira ne’e hotu la’os milagre,”dehan nia.
789 total views, 9 views today
Bele hare Video Seluk :
Subscribe to Timorpost
