Timor Post (28/07/2020)-Reprezentante Povu iha uma fukun Parlamentu Nasionál (PN) preokupa ho kapasidade Governu ba ezekusaun fundu COVID-19 tanba to’o oras ne’e foin mak ezekuta 48%.
Enkuantu Parlamentu Nasionál aprova levantamentu dahuluk ho montante millaun $150 no levantamentu daruak millaun $70 hamutuk millaun $220 no moos hetan apoia hosi parseiru internasionál balun
“Ami aprova millaun $220 ne’ebé sistema free and balance relata mai ami hodi halo imprime katak kapasidade governu to’o agora fulan-neen ezekusaun ba fundu COVID-19 ne’ebé primeiru levantamentu millaun $150 millaun no millaun $70, ninia ezekusaun só 48% de’it, ne’e kestionável señor Primeiru-Ministru”, kestiona Prezidente Komisaun C (Finansa Públika), deputada Maria Angélica Rangel, iha ámbitu aprezentasaun relatóriu ba aplikasaun Estadu Emerjénsia iha Uma Fukun Parlamentu Nasionál, tersa ne’e.
Iha parte seluk deputada mós kestiona kona bá númeru ventiladór tanba parlamentu aprova ona osan hodi sosa maibé to’o agora ida de’it.
“Ohin halo aprezentasaun dehan ventiladór ne’e ida de’it ami hakfodak tanba ami aprova osan, ne’e mós fó apoiu hosi Xina tanbasá mak ami aprova tiha osan ventiladór ne’e ida de’it. Ami mós hakfodak kuandu señor ministru balun mai aprezenta iha ne’e dehan katak prosesu sira-ne’e tarde tanba ministru sira lakohi asina iha kestaun aprovizionamentu ne’e, ministru sira fó fali delegasaun kompeténsia diretór jerál sira mak asina, ne’e kontra lei, karik governu halo dekretu atu diretór jerál sira mak asina, ne’e kestionável Primeiru-Ministru”, hatutan Deputada Bankada FRETILIN.
Entretantu hosi orsamentu millaun $ 220,248 ne’e kompostu hosi orsamentu ba prevensaun no mitigasaun COVID-19 ho montante millaun $149,500, doasaun hosi International Labour Organization (ILO) apoia rihun $748 no medida apoia ekonómiku no protesaun sosiál millaun 70,000.(Jornalista : Julio Salinas Soares)
806 total views, 3 views today
Oinsa Ita nia Reaksaun iha Notisia Nee?
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![PN Kestiona Kapasidade Governu Ezekuta Fundu COVID-19](https://timorpost.com/wp-content/uploads/2020/07/527595_296697023734413_323477644_n.jpeg)
Bele hare Video Seluk :
1
/
2194
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
FAMILIA SIMU TIMOROAN DEPORTADU HO MATAN BEEN
![play](https://timorpost.com/wp-content/plugins/ytuples/images/playhover.png)
PREPARASAUN BA VIZITA SUA SANTIDADE ATINJE ONA 80%
![play](https://timorpost.com/wp-content/plugins/ytuples/images/playhover.png)
FRETILIN HUSU GOVERNU KONSIDERA VITIMA EVIKSAUN SIRA NIA HALERIK
1
/
2194
![loading](https://timorpost.com/wp-content/plugins/ytuples/images/gallery-page-loader.gif)