DILI, (Timorpost.com)—Ekipa hosi delegasaun Vatikanu 16, xefia husi Mgr. George Jacob Koovakad, Segunda (03/06/2024), hasoru malu ho Prezidente Repúblika Jose Ramos Horta diskute kona ba preparasaun Timor-Leste nian ba vizita pastoral Amu Papa Farncisco nian mai Timor-Leste iha Loron 09-11 Fulan Setembru 2024.
Objetivu hosi prezensa delegasaun Vatikanu nian atu observa direita fatin sira ne’ebe Amo Papa Francisco atu halo audensia ba.
Tuir reprezentante Vatikanu iha Timor-Leste, Mgr. Marco Sprizzi, informa, delegasaun ne’e kompostu husi protokolu, média no seguransa no ‘’Hahú aban, sei halo enkontru no halo inspesaun ba fatin sira hotu ne’ebé Amu Papa Franscisco sei liubá,’’ dehan Mgr. Marco.
Reprezentante Santa Sé ne’e haktuir, ema hotu ho antusiázmu liu-liu husi sarani sira atu halo duni preparasaun ho sériu nune’e iha kondisaun ba vizita Amu Papa nian ba nia sarani sira iha Timor-Leste.
Enkontru ne’e, partisipa mós husi Xefe Casa Civíl Prezidénsia Repúblika, Xefe Kaza Militár Interinu, Koordenadór Protokolu, Koordenadora Servisu Komunikasaun Sosiál, Asesór ba Fraternidade Umana, assessora ba Servisu Relasaun Internasionál no asesora ba Servisu Komunikasaun Sosiál.
522 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Delegasaun Vatikan 16 Hasoru PR Horta Diskute Preparasaun Vizita Santidade](https://timorpost.com/wp-content/uploads/2024/06/santa.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)