DILI (timorpost.com)— Komité Sobrevivente 12 Novembru hamutuk ho Joven jerasaun 12 Novembru no povu Timor-Leste, hala’o atividade marsa husi igreja Motaél ba semitériu santa kruz hodi memoriza sakrifísiu ne’e juventude loriku asuwa’in 12 Novembru 1991 hatudu iha tempu ne’ebá.
Igreja Motael sai sentru ba foin sa’e juventude loriku asuwain sira hamutuk hodi halao marsa ba santa kruz.
Tuir observasaun Timor Post iha terenu nota katak, depois remata misa selebrasaun loron 12 Novembru iha igreja Santo António Motaél kontinua kedas ho marsa ba too iha semitériu Santa krus.
Marsa ne’e nia sentidu hanoin hikas fali saudozu/a 12 Novembru sira ne’ebé iha tinan 32 liu ba sakrifika sira nia an ba luta independénsia rai ida ne’e.
Iha tempu ne’ebá, eroi 12 Novembru barak lakon vida, balun kanek no balun too agora seidauk hetan sira nia isin, tanba de’it hakarak ukun rasik an.
Iha atividade marsa ne’e, hetan seguransa másimu husi Polisia Nasional Timor-Leste (PNTL) no inklui FALINTIL-Forsa Defeza Timor-Leste (F-FDTL).
Iha marsa ne’e, partisipa husi juventude loriku asuwa’in sira, membru governu, PNTL, F-FDTL inklui povu Timor-Leste.
891 total views, 3 views today
Bele hare Video Seluk :