ATAÚRO (Timorpost.com)—Instituto Para Defesa dos Direitus da Criança (INDDCA), dezmina informasaun kona-ba direitu labarik nian ba Estudante husi Eskola Sekundária Jerál Tékniku Vocational inklui EBC iha Atauru hamutuk atus ida (100).
Objetivu husi programa ida ne’e atu oinsá labarik sira hetan protesaun iha eskola.
Tuir Xefe Unidade Kampaíña Publika INDDICA, José Correia da Piedade hatete, papél INDDICA nian mak oinsá sensibiliza informasaun ba públiku liga ba lei protesaun labarik no joven iha perigu.
“Ita iha sensibilizasaun ne’e fahe matéria sira hanesan konvensaun direitu ba labarik nune’e mós planu asaun nasionál ba protesaun labarik inklui lei protesaun ba labarik no joven iha perigu, atu nune’e estudante sira bele hatene no sira nia devér nu’udar estudante tuir enkuadramentu sira iha konservasaun RDTL artigu 18 katak protesaun espesiál ba labarik sira no iha konvensaun direitu labarik hanesan direitu ambientál ne’ebé mak iha, direitu ba dezenvolvimentu, direitu ba sobrevivénsia, direitu ba iha protesaun no direitu ba partisipasaun” Haktuir Xefe unidade Kampaíña Publika INDDICA, José Correia da piedade ba jornalista Timor Post iha eskola Sekretáriu Tékniku Vokasionál Peska Ataúru, Kuarta (22/05)
Nia salienta, atividade sensibilizasaun ne’e fahe ba loron rua hahú ohin ate aban. Loron Primeiru hasoru estudante sira hodi fahe koñesimentu liga ba lei direitu protesaun labarik no loron segundu INDDICA sei hasoru inan-aman hosi estudante sira liga ba enkuadramentu legal iha Konstituisaun RDTL artigu 18 atu labarik sira bele hetan protesaun ida espesial ne’e mak família komunidade no estudu.
1,143 total views, 6 views today
Bele hare Video Seluk :
Subscribe to Timorpost
