DILI, (timorpost.com)—Prezidente Parlamentu Nasionál (PPN), Maria Fernanda Lay apoia polítika Sekretáriu Estadu Asuntu Toponímia no Organizasaun Urbana (SEATOU) ne’ebé organiza sidade Dili moos no organizadu.
“Ha’u defende povu, mas povu ba fatin ne’ebé permitidu labele disturba públiku, ita labele loke merkadu “basar” iha fatin ne’ebé de’it fora husi fatin ba merkadu ne’ebé governu permite, labele halo uma iha valeta leten iha lei 50 metru mota ninin labele halo uma, buat sira ne’e presiza ajusta atu la hamosu inundasaun ikus hakilar governu. Ami defende povu, mas governu nia polítika mós defende povu ne’e duni, bainhira iha área risku iha dezastre naturais ita perde ona ita nia vida mak ita hakilar dehan estadu la tau matan la’e, ita tenke husu autorizasaun bele ka la’e basar iha ne’ebá, saida mak bele, “dehan Fernanda Lay ba jornalista sira iha Palásiu Prezidensiál Bairru-Pite hafoin reuniaun ho Prezidente Repúblika Jose Ramos Horta, Kuarta (17/04).
Fernanda Lay haktuir, Parlamentu Nasionál apresia ho polítika SEATOU nian, ohin loron ita lao iha sidade Dili fahi nia ten la is no ita la horon ona.
“Ha’u agradese SEATOU pelumenus aredores iha fatin balun fahi ten la iis ona ida ne’e pozitivu tanba lalar lori moras, agora ita hakiak hotu sidade laran ita atu lori sidade ne’e ba ne’ebé, ha’u hanoin iha situasaun balun ne’ebé favoravel, klaru katak povu ki’ik buka moris mas tenke buka moris iha fatin ne’ebé adekuadu”. Nia informa.
Tuir nia katak, se investimentu la mai susar, tanba ne’e mak estabilidade polítika seguransa iha país presiza hadi’a atu inventor sira mai halo investimentu sei hetan benefísiu husi ne’ebá, no nia hanoin OMK Timor tama benefísiu sei iha ne’ebé mai mak hotu-hotu mantein pas, estabilidade ne’ebé governu agora hakarak tanba iha interese ba ne’ebá.
1,704 total views, 3 views today
Bele hare Video Seluk :
Subscribe to Timorpost
