DILI (Timor Post) – Governu liuhosi konsellu Ministru delibera ona hodi fó pontu toleránsia iha loron 13 fulan-Novembru oin mai ba funsionáriu, ajente no traballadór sira administrasaun direita estadu nian, bele sentrál nune’e mós deskonsentradu, no organízmu sira administrasaun indireita, hodi fasilita partisipasaun populasaun nian iha votasaun daruak ba kandidatu xefe suku sira ne’ebé tama iha eleisaun segunda ronde.
“Tanba iha priméiru ronde mós tama iha loron servisu ninian, governu hasai pontu toleránsia, no ba loron-13 agora mós akontese iha Segunda ohin konsellu Ministru aprova ona toleránsia para fó tempu ba sidadaun hotu-hotu kontribui ba segundu ronde Xefe suku ninian,” hateten Vise-Ministru Asuntu Parlamentár, Adérito Hugo da Costa, hafoin reuniaun konsellu Ministru iha Palásiu Governu, kuarta (08/11/2023).
Nia hatutan, pontu toleránsia ne’e iha loron eleisaun de’it, signifika loron ida ba sidadaun hotu atu ezerse sira nia direitu iha eleisaun ba xefe suku.
Eleisaun suku ronde dahuluk iha loron 28 fulan-Outubru liubá realiza iha suku hamutuk 442, iha suku-271 mak hetan ona nia xefe suku no xefe aldeia, inklui delegadu no delegada sira, hela suku hamutuk 200 resin mak kontinua ronde daruak ne’ebé sei realiza iha loron 13 fulan-Novembru tinan ida-ne’e.
621 total views, 3 views today
Bele hare Video Seluk :
Subscribe to Timorpost
