Dili (timorpost.com)—Iha loron 2 Marsu 2020, Konsellu Ministru aprova Timor-Leste ho nia inisiativa hodi adere ba movimentu global Scaling up Nutrition Movement (SUN) ho misaun atu mobiliza rekursu ba resolve problema Mal-nutrisaun iha Timor- leste.
Sesaun ne’ebé lansa husi ONU bazeia ba hasa’e Nutrisaun no reforsa plataforma koordenasaun no komunidade efetivu iha rai laran.
“Estabelesimentu rede ida ne’e ho objetivu atu kontribui ativamente ba apoiu dezeña, implementa, monitorizasaun/avalia tuir polítika nasionál planu ba hadi’a nutrisaun no enkoraja fasilita koordenasaun entre autór sosiedade sivíl inklui juventude, akademia no setór privadu hodi garante aliñamentu estratéjia, programa no rekursu sira tuir prioridade nasionál nutrisaun nia”. Dehan Mariano Peregrinu Noronha ba jornalista sira iha salaun INS Komoro Dili, Kuarta (12/07/2023)
Nia haktuir, Iha ámbitu vizita ofisial Sra. Gerda Verbung, Asistente Sekretáriu Jerál ONU no koordenadór Movimentu SUN, hamutuk ho instituisaun estadu, membru parlamentu, membru governu, ajénsia ONU, Doadór, Parseiru Dezenvolvimentu, Sosiedade Sivíl, Setór Privadu, Akadémiku no Grupu Joven sira asina “ deklarasaun Dili “ nu’udar kometimentu ida ba halakon mal-nutrisaun iha Timor-Leste.
Iha loron 12 Jullu 2023, pontu focal SUN Timor-Leste no Konsellu Nasionál juventude Timor-Leste (CNJTL) hamutuk ho grupu juventude estabelese rede sosiedade sivíl ba movimentu hadi’ak nutrisaun iha Timor-Leste .
Nia akresenta, movimentu SUN mak úniku movimentu ida ne’ebé bazikamente ho nia prinsípiu katak ema hotu-hotu iha direitu atu hetan ai-han no nutrisaun di’ak.
“Movimentu ida ne’e halibur ema hotu husi instituisaun Governu, Sosiedade Sivíl, ajénsia ONU, parseiru dezenvolvimentu, akadémiku no setór privadu-negósiu ho vizaun atu hakotu forma hotu husi Mal-nutrisaun. Nia tenik.
951 total views, 3 views today
Bele hare Video Seluk :
Subscribe to Timorpost
