Dili (TimorPost.com) – Ministru Asuntu Parlamentár Komunikasaun Sosiál (MAPKOMS), Francisco Jerónimo husu ba funsionáriu públiku servisu ho profisionál no dixiplina hodi respeita oras servisu nian.
“Ha’u lori governu nia fatin parabéns ba Komisaun Funsaun Públiku ne’ebé ohin komemora loron aniversáriu ba 9 husu imi atu halo servisu ho profisionál hatudu dixiplina respeita oras servisu nian hodi servi rai doben Timor-Leste,” Ministru MAPKOMS, Francisco Jerónimo hateten iha nia intervensaun hafoin enseramentu serimónia loron aniversáriu KFP ba dala-9 iha salaun Ministériu Finansas, Segunda (29/05).
Tuir governante ne’e katak, sai funsionáriu tenke sai hanesan servidór nasaun nian, hodi servi estadu liu husi servisu loron-loron nian hodi atende ba públiku ho domin ho responsabilidade onestidade no umildade.
Hodi nune’e bele kontribui ba rai doben Timor-Leste liuhusi funsionáriu públiku sira nia servisu tama ho oras hatudu dixiplina atu nune’e bele lori nasaun ne’e ba oin.
Tanba funsionáriu públiku maka sai ajente públiku hodi sai servidór tanba ne’e FP labele baruk no labele kole hodi halo servisu ho interese nasaun no interese komún labele halo servisu bazeia ba kór partidu nian entaun la’ós funsionáriu públiku.
Nia dehan, FP tenke mantein hatudu servisu ho profisionalizmu no tau interese povu nian la’ós funsionáriu públiku iha oras servisu halimar maka facebook hodi tau status oi-oin hodi hatún malu ida ne’e la’ós funsionáriu públiku.
“Ida ne’e ita bolu funsionáriu status facebook nian, tanba oras servisu nian nia la halo servisu maibé, status hodi iha media sosiál hodi hatún malu no insulta malu de’it”, governante ne’e konta.
Nia preokupa, funsionáriu públiku barak iha ministériu balun ladún halo servisu ho profisionál, tanba sira uza tempu barak hodi status hodi hatún malu no insulta malu ida ne’e hatudu funsionáriu ne’ebé la profisionál no sai servidór na- saun nian no la tau interese povu nian no tau interese parti- du nian.
Nia dehan, funsionáriu sira nia loron husu atu halo servisu ho profisionál responsabilidade mantein dixiplina sai servidór nasaun nian hodi kontribui ba rai doben Timor-Leste.
Iha sorin seluk, prezidente Komisaun Funsaun Públiku, Faustino Cardoso, husu ba fun- sionáriu públiku sira mantein dixiplina no responsabilidade servisu tuir oras hodi atende ba públiku nia interese hodi kontribui ba rai doben ida ne’e.
Tuir nia, funsionáriu públiku maka sai ajente no sai hane- san servidór tenke servisu ho profisionál no responsabilidade dixiplina leál idade, onestidade, nasionalidade hodi servi públiku no servi nasaun Timor-Leste.
1,515 total views, 3 views today
Bele hare Video Seluk :
Subscribe to Timorpost
