ADVERTISEMENT

Komunidade Aldeia Haat Risku Ba Inundasaun

Orlando Oqui - Jeral
Jornalista : Amelia Soares Babo
Editor : Orlando Oqui
  • Share
Xefe Suku Motaél, Luis Antonio Cândido Gusmão Viegas. Imajen TP/Amélia Babo

DILI-Komunidade aldeia haat iha suku Motaél, postu administrativu Vera Krús, munisípiu Dili hela iha fatin risku ba inundasaun.

“Iha ha’u nia suku iha aldeia lima, maibé komunidade iha aldeia Bedalak, Hura, Halibur, tolu ne’e komunidade hela besik liu iha mota Maloa nian entaun tempu udan boot hakarak ka lakohi mosu inundasaun bee tama komunidade nia uma hodi estraga sasán uma laran”, xefe suku Motaél, Luis Antonio Cândido Gusmão Viegas, hateten ba Timor Post iha sede suku Motaél, Kuarta (01/03).

ADVERTISEMENT
SCROLL FILA BA NOTISIA


Aleinde ne’e mós, iha aldeia Liru iha parte Faról nian ne’e komunidade sira mós hela iha fatin risku ba inundasaun iha tinan rua ba kotuk, ne’e komunidade sira afeta ba inundasaun bee tama uma hodi estraga komunidade nia sasán uma laran no la konsege salva.

Lee Mós :
Why Financial Inclusion Matters?

Xefe suku ne’e konta, kada tinan udan boot iha suku Motaél komunidade sempre afeta ba inundasaun, tanba suku refere rai kle’an liu, entaun udan tun mota sempre ba komunidade nia uma.

Tanba ne’e, kuandu udan boot xefe suku no xefe aldeia sempre buka alternativa seluk karik komunidade afeta ba inundasaun obrigada tenke ba evakua iha fatin dignu ruma hodi nune’e bele asegura komunidade nia saúde no salva sira nia vida.

Lee Mós :
Komunidade-Estudante RAEOA Husu Governu Rezolve Problema Ró

Maibé, nia dehan, iha suku refere kada semana iha loron Sesta no Sábadu nia sempre avizu ba nia komunidade hodi halo limpeza iha uma oin no limpeza baleta kuak depois tau iha lixu fatin atu nune’e ekipa servisu saneamentu munisípiu Dili kontrolu hodi lori ba tau iha Tibar hodi sunu atu nune’e tempu udan labele mosu inundasaun.

Xefe suku ne’e kompara iha tinan 2020-2021 akontese inundasaun, komunidade ne’ebé afeta sira evakua hotu ba iha igreja Motaél no edifísiu senor Raul Lemos nia edifísiu iha Bebora GMN nia oin hodi asegura ba sira nia saúde no salva sira nia vida. Maibé grasa Maromak nian maski akontese inundasaun bee tama komunidade nia uma, mas la rezulta ema lakon vida iha altura ne’ebá. 

Lee Mós :
Xanana: Partidu CNRT Lakon Nia Ema Matenek Ida

Enkuantu, iha suku Motaél ho nia xefe aldeia hamutuk lima aldeia, Liru, Halibur, Bua Morena, Hura, Bee Dalak, ho nia populasaun hamutuk 6.900, kompostu feto no mane ho nia xefe família hamutuk 1524.

 1,318 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Aldeia Haat Risku Ba Inundasaun” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No