ADVERTISEMENT

Komunidade Tasi-tolu Halerik Bee Moos

Mario da Costa - Jeral
Jornalista : Ermelinda Caet
Editor : Mario da Costa
  • Share
Karreta tanke lori bee moos ba komunidade sira iha Tasi-tolu, imajen TP/Ermelinda Caet

Dili (Timor Post) – Komunidade sira hela iha area Tasi-tolu, Suku Komoro, Postu Administrativu Dom Aleixo, Munisípiu Dili, halerik Bee Moos.

Sidadaun Grazela Noviana Elo, afirma hanesan Komunidade hela iha Aldeia 12 de Outobru, Suku Komoro, sente laran susar ho sira-nia terus ne’e, tanba tinan rua ona hahú iha 2020 to’o ohin loron sira sempre halerik ba bee moos.

ADVERTISEMENT
SCROLL FILA BA NOTISIA


“Ha’u hanesan komunidade husi Tasi-Tolu, senti laran triste ho ami-nia terus ne’e tanba tinan rua ona, maski tempu udan no bai-loron mós ami sempre halerik ba bee moos”, nia hateten ba online Timor Post iha Tasi-Tolu, Segunda (08/08).

Lee Mós :
Uma-Kain 39 iha Akrema Atauro Asesu ona Bee Moos

Nia konta, sira iha area Tasi-Tolu ne’e sorti bee masin iha, ne’e maka fasilita ba nesesidade balun, maibé bee masin ne’e sira uza de’it hodi haris no fase ropa, maibé ba bee moos ne’e maka sira halerik loos.

“Ami konsumu no hemu bee moos ne’ebé ami hola iha kareta tanke sira faan masa ida $0,05 sentavus tama bairru sai bairru, maibé bainhira ami-nia bee moos hotu ka osan laiha atu sosa bee moos ne’e, entaun ami pasensia tein uza bee masin no ami atu hemu ne’e ami ba sosa agua de’it iha loja ka kios sira ida maka ami senti laran susar tebes”, nia hateten.

Lee Mós :
Komunidade Hobur Estasaun Kombustivél

Nia esplika, sira sempre rekomenda ba Governu liuliu ba BTL, EP, maibé sira la hakat ba no la tau matan nafatin hodi haree sira-nia halerik ba bee moos.

Grazela haktuir, sira iha area Tasi-Tolu ne’e, governante se mak mai iha tasi-tolu mak sira la haree karreta tanke bee moos ne’e demais ona.

Lee Mós :
TL Sei Fraka Kombate Lixu

“Ami-nia povu nia hakarak ne’e Governu tenki responde hotu buat hirak ne’e, antes hakat ba Eleisaun Parlamentár (ELPAR), mak foin hato’o tan ita boot sira-nia programa foun iha palku tanba ami povu sempre dehan ba boot sira katak, kanek tuan sei labele kura ho ai moruk foun ne’e, relasiona ho boot sira nia promesa ne’ebé nunka realiza”, nia rekomenda.

 2,857 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Tasi-tolu Halerik Bee Moos” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No