Dili (Timor Post)—Konsellu Imprensa (KI) agora daudauk rejista tan media online besik sanulu (10) hodi fó lisensa ba sira atu hala’o sira nia konteúdu ba programa asesu no update informasaun liu husi era plataforma digital nian.
Tuir Prezidente Konsellu Imprensa (KI), Virgílio Da Silva Guterres hatete agora daudauk sira rejistu media online ne’ebe mak besik 10 ona, no mós audio vizuál online sira kontinua halo rejistu no halo sira ninia konteúdu.
“ida ne’e buat diak ida, media online presiza barak, tanba agora ita iha termu no era dijitalizasaun, Tanba ne’e ami husu ba media online hodi aumenta barak liu tan atu bele fó opsaun ba ita nia sosiedade liuliu kona ba informasaun ne’ebe mak los no justu akontese dunik iha ita nia rai laran”, nia dehan iha Golden Star, Audian, Kuarta (22/06).
Nia hatete, tendénsia ba media sira ne’ebe mak la verifikasaun, presiza halo verifikasaun atu nune’e, bainhira leitores sira hare ka lee ko’alia dehan ida ne’e verifikasaun no aktus husi notísia ne’e nia konteúdu los dunik.
“Entaun ba ha’u ne’e media online tenke barak liu tan atu nune’e ita nia sosiedade bele Verifika lia loos liu husi notísia no fenómenu sira ne’ebe mak akontese iha ita nia rai laran”, nia hateten.
Nia dehan, importante mak ne’e kualidade husi konteúdu ba buat ne’ebe mak sira enkoraja nafatin ba media na’in sira hodi nune’e sei hakarak mantein ezisténsia ba iha sosiedade no mós kualidade ne’e importante. Nia hakotu.
6,051 total views, 6 views today
Bele hare Video Seluk :
Subscribe to Timorpost
