DILI—Turista australianu hamutuk 85 inklui crew marka ajenda halo vizita ba Dili, Timor Leste, iha loron Tersa, (18/02/2020) ho ró MV Coral Explorer.
Vizita ne’e sei hala’o durante oras ne’e iha rai laran, hahú iha oras, tuku 12:00 OTL to’o tuku 18:00 ka durante oras 6.
Fatin turístiku sira iha Dili laran ne’ebé sei hetan vizita mak hanesan, Kristu Rei, Museum Rezisténsia, Semitériu Santa krús no Tais Market Kolmera.
Vizitasaun ró kruzeiru Australia, no ró ne’e sei mai to’o iha ne’e tuku 12:00 OTL no sei fila fali tuku 18:00 OTL signifika katak oras 6 nia laran,” informa Diretór Jerál Turizmu, José Filipe Dias Quintas iha Sentru Konvensaun Dili (CCD), Segunda (17/02/2020).
Nia hatutan, ró kruzeiru ne’e tula pasajeiru hamutuk 85 inklui crew 36 no sira mesak sidadaun Australianu, ró ne’e ho nia klasifikasaun ki’ik.
Nune’e nia dehan, Ministériu Turizmu Komérsiu no Indústria, liu husi Diresaun jerál Turizmu sei servisu hamutuk ho ministériu relevante sira hanesa, Imigrasaun, PNTL (polisia tránzitu), APROTIL, Diresaun nasionál transporte marítimu (DNTM), Diresaun Nasionál Kuarantina (DNQ), Krús vermella munisípiu Dili, Museum Rezisténsia, Sentru Chega.
Nia aumenta, servisu hamutuk mós ho parseiru Dezenvolvimentu sira hanesan, market development facility (MDF), Turizmu ba ema hotu (USAID) no setór privadu ne’ebé toma konta pakote viajen terestres mak Ajénsia Operarador Turístika Mega Tours.
Kona ba Ro kruzeiru ne’e, nia dehan, Ro ne’e konstrui iha tinan 2018 husi nasaun Noruegia (Norway) kategoria Ro Luxo, operasaun Ro hale’u Australia, illa Pasífiku no Indonesia ho nia fasilidade kompletu.
“Ro ne’e ba ema riku sira mak bele aluga no, hanesan ema sira ne’ebé pensium husi sira nia servisu no sira hakarak pasiar de’it hodi hare rai seluk nia furak,” hakotu Diretór turizmu. (mj3)
1,265 total views, 6 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Turista Australianu Marka Vizita ba Fatin Turizmu Haat iha Dili](https://timorpost.com/wp-content/uploads/2020/02/CORDIS.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)