DILI, (timorpost.com)— Prezidente Komisaun Ezekutivu, Banku Nasionál Komérsiu Timor-Leste (BNCTL, sígla Portugés), António Vitor, deklara sei buka tuir funsionáriu ne’ebé la selu sira-nia kréditu.
Nia dehan, agora daudauk ema kréditu iha banku BNCTL barak tebes kuaze kliente rihun 40 resin mak foti kréditu iha BNCTL, entaun kréditu ida bolu dehan mal paradu ne’e sempre iha.
“Ema bolu dehan tuir ninia padraun ne’e labele liu tres pursentu (3%), kuandu ema sira la selu ka kréditu mal paradu ne’e mak liu 3% entaun iha problema balun ita presiza hadi’a,” hatete Prezidente Komisaun Ezekutivu, BNCTL, António Vitor, iha Golgota Komoro, Sesta-feira, (09/02).
Nia esplika, “Iha mundu ida-ne’e no banku hotu laiha kréditu ida ne’ebé mak la hetan problema ida dehan mal paradu ne’e tanba banku hotu-hotu sempre hetan problema ne’ebé hanesan, maibé ita sei buka tuir nafatin see de’it mak foti kréditu iha ne’e nia tenke selu ninia obrigasaun, tanba kréditu ida-ne’e osan la’os mai husi kapitál ka mak husi osan kliente sira-nia ne’ebé mak ita fó”.
Tuir nia, ema sira ne’ebé involve iha mal paradu ne’e inklui mós funsionáriu sira ne’ebé mak lakon servisu ka sira-nia kontratu remata, entaun sira labele selu sira-nia kréditu ona.
“Sim, inklui ema sira ne’ebé mak lakon servisu entaun sira labele selu iha tempu badak maibé iha asuransi ne’ebé kobre sira-nia rísku ba fulan tolu depois sira iha espasu hodi esforsu nune’e sira bele selu fali”, nia akresenta.
Nia subliña, maske funsionáriu sira ne’e lakon ona servisu maibé ema ne’e sei moris entaun banku kontinua buka tuir para tenke selu ninia devér ida-ne’e, la signifika nia abandona totál ona nia devér.
“Kona-ba ida-ne’e ha’u laiha dadus kompletu agora maibé kada loron balun sai no balun tama fali maibé iha lubuk ida, agora daudaun ne’e husi kliente rihun 40 resin ne’e 2,9% mak la selu ka mal paradu ne’e, maibé iha rezerva ba buat sira ne’e entaun banku la’o normál nafatin”, hakotu.
3,240 total views, 6 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![BNCTL Sei Buka Tuir Funsionáriu Ne’ebé La Selu Kréditu](https://timorpost.com/wp-content/uploads/2024/02/WhatsApp-Image-2024-02-09-at-15.13.53.jpeg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)