Bainhira Majestade Haji Hassanal Bolkiah, Sultaun Brunei Darussalam tun iha aeroportu Dili, iha tuku 10 dadeer, simu direta hosi Prezidente Repúblika Jose Ramos Horta no Primeiru ministru Xanana Gusmão.
Hafoin iha Parada de Onra, Xanana ho Horta hen kedas iha eskada aviaun ninian hodi kumprimenta bainhira liurai sama ain iha rai Timor ba dahuluk aserta iha minutu oras 10:30 minutu.
Hafoin resepsaun no desfile de onra, Liurai Brunai, Xanana ho Ramos Horta la’o diretamente mai sa’e karreta ki’ik ida ne’ebé pinta ho kór azúl no infeta ho motivu tais Timor.
Karreta nee maka Karreta Mini Moke, Prezidente Ramos Horta maka na’in ba karreta ne’e, ho marka númeru matríkula, 22-778 TL. Iha biban ne’e moke tula ema importante na’in tolu hosi aeroportu mai to’o palásiu Prezidente Ai-tarak laran.
Karreta Mini Moke
Karik ema barak sei sente foun ho karreta ho naran mini Moke, uluk uza hanesan transporte funu nian, karreta oho marka refere mosu beibeik iha filme too sai popular liu tan.
Mini Moke hahú fábrika BMC iha Longbridge iha Birmingham, maibé depois produsaun ne’e transfere ba rai seluk. Iha Inglaterra iha karreta hamutuk 14,500 Mini Moke entre 1964 no 1968, no iha Australia hamutuk 26,000 entre 1966 no 1981.
Mini Moke hanesan variasaun ida husi Mini ne’ebé dezeña ba British Motor Corporation (BMC) husi Sir Alec Issigonis no John Sheppard iha tinan 1959.
Moke mai hosi naran balun hosi família Austin Mini Moke, Morris Mini Moke, no Leiland Moke. Ulukliu Moke dezeña hanesan karreta funu nian ho ró ki’ik sira ne’ebé bele lori pasajeiru tropa Inglaterra nian.
Ikusmai Mini Moke la uza ba atividade militar nian tanba ninia clearance badak liu. Iha 1963 Mini Moke introdús ba públiku ho roda baze inches 80 no mákina padraun 848cc.
Iha Timor-Leste, atuál Xefe estadu maka iha karreta refere unidade ida hodi uza halo viajen ba mai.
963 total views, 9 views today
Bele hare Video Seluk :
Subscribe to Timorpost
