Dili (timorpost.com)—Primeiru-Ministru, Kay Rala Xanana Gusmão iha ambitu (Konferensia Tingkat Tinggi-KTT) ASEAN ba-43, prolonga mos tempu hodi realiza enkontru bilaterál ho Primeiru-Ministru Vietnam, Pham Minh Chinh hodi deskute no hametin kooperasaun rai rua ba oin.
Iha sorumutu ne’e, Xefe Governu Xanana agradese ba kompromisu Governu Vietnam nian hodi haruka Kompañia telekomunikasaun TELEMOR ba loke investimentu telekomunikasaun iha Timor-Leste hodi netraliza merkadu telekomunikasaun bele baratu no atende estadu no sosiedade iha mundu teknologia telekomunikasaun nian.
“Agradese ba Governu Vietnam tanba bele servisu hamutuk ona ho Timor-Leste iha area kapasitasaun investimentu telekomunikasaun TELEMOR hodi neutraliza merkadu telekomunikasaun baratu ba povu Timor-Leste”. Timor Post asesu nota husi Media Gabinete PM, Kuarta (06/09/2023).
Xefe Governu rai rua ne’e mós diskute ba futuru Vietnam bele kontinua apoiu Timor-Leste hodi dezenvolve setór agrikultura, tanba durante ne’e Vietnam sempre importa foos faan iha merkadu Timor-Leste no sei kontinua fó apoiu ba malu.
Enkontru xefe governu rua ne’e asiste direita Vice Primeiru-Ministru no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres.
1,350 total views, 18 views today
