DILI—Partidu Os Verdes de Timor (PVT), aban Sábadu (13/05), mobiliza apoiante sira hosi postu administrative lima iha Munisípiu Dili hodi partisipa kampana iha Tasitolu.
“Aban ita halo komísiu nasionál partidu nian iha Tasitolu, partidu mobiliza de’it, husi postu Lima iha Dili laran, tan konvida militante Verdes hotu iha Dili laran, postu Nain feto, Vera Cruz, Kristu Rei, Dom Aleixo no Metinaru,” informa Diretór Kampaña PVT, Francisco Borges, ba Timor Post, Sesta (12/05).
Nia hatete, konsentrasaun massa partidu PVT nian hosi postu lima mai iha Tasitolu hahú hosi oras tuku 10:00 too oras tuku 13 resin oras Timor Leste no iha tuku 14 :00 komesa hahú ho kampaña too tuku 18 : 30.
Konsentrasaun massa sira hodi ba tuir kampaña iha tasi tolu iha fatin Lima, Vera Krús sei konsentra iha Kaikoli, Nain Feto nian sei halo konsentrasaun iha semitériu santa krús, Kristu Rei nian sei halo konsentrasaun iha BJ Habibie Bidau, Movimentu balu sei halo konsentrasaun iha jardín 5 de Maiu, ba Dom Aleixo nian sira barak konsentra iha Madohi.
Atividade pro Verdes halo konsentrasaun iha Palapasu no movimentu ema ho defisiente sei halo konsentrasaun iha Bebonuk, movimentu husi Tigri Verdes sei halo konsentrasaun iha kampu Verde, depois maka hakat fatin kampaña.
Nia parte mós halo ona koordenasaun ho Polisia Nasionál Timor Leste hodi akompaña prosesu mobilizasaun massa to’o prosesu kampaña bele la’o ho hakmatek no sein insidente ruma.
“Ita husu ba sidadaun sira parte seluk labele kria fali asaun sira ne’ebé mak bele prejudika fali aktu sira ne’ebé ita hotu-hotu lakohi akontese”, nia husu.
3,354 total views, 3 views today
Bele hare Video Seluk :