DILI, (Timorpost.com)—Embaixadór Japaun ba Timor-Leste, Tetsuya Kimura, lori ekipa husi kompañia ida-ne’ebé lidera bee-moos iha Japaun hasoru Prezidente Repúblika hodi ko’alia kona-ba parseria ba Kooperasaun entre Japaun no Timor-Leste iha área bee moos.
“Ohin ha’u mai iha ne’e hamutuk ho reprezentante sira ne’ebé lori projetu bee Japaun nian ho kampaña ida-ne’ebé lidera bee-moos iha Japaun no lori bee projetu ida mak asosiasaun Japaun nian ida atu kria parseria ida-ne’e, ba kooperasaun entre Japaun no Timor-Leste iha área bee moos iha Timor-Leste.” dehan Kimura ba jornalista sira hafoin remata enkontru ho Prezidente Repúblika iha Palacio Prezidensiál Bairru-Pite, Kinta (23/05).
Embaixadór Japaun ne’e haktuir, objetivu husi kampaña ida-ne’ebé lidera bee-moos iha Japaun hasoru PR Horta atu servisu hamutuk fornese bee moos iha Timor-Leste.
Sistema fornesimentu bee ne’e aas no projetu teknolojia ho hakarak atu hahú inkorpora negósiu ida ho formasaun sira iha Japaun ba manutensaun sistema drenajen iha Timor-Leste.
Enkuantu Prezidente Repúblika mós esplika kle’an kona-ba sira liu-liu kona-ba bee-moos ne’ebé sempre fó apoiu, tanba ne’e Xefe estadu husu ba sira atu servisu hamutuk ho governu ba area bee-moos nian.
“Ohin ha’u esplika ami nia atividade sira hanesan ha’u temi ona antes ne’e, tanba ne’e mak sira hetan buat ki’ik liu no sira husu apoiu husi Prezidente, no prezidente apoiu, no Xefe Estadu husu ami atu servisu hamutuk ho governu atu bele halo atividade ida ne’e liga ba fornesimentu teknolojia iha Timor-Leste,” nia subliña.
876 total views, 6 views today
Bele hare Video Seluk :
Subscribe to Timorpost
