DILI, (Timorpost.com)—Tékniku Ajénsia TIC TIMOR I.P., liu hosi Diresaun Dezenvolvimentu Sistema Informasaun no Aplikasaun (DDSIA) fó formasaun kona ba sistema GOTL CLOUD manajementu dadus ba Funsionáriu sira hosi Komisaun Nasionál Eleitorál (CNE, sigla portugés).
Sistema GOTL CLOUD manajementu dadus ne’e, nia objetivu atu fasilita funsionáriu sira hodi dijitaliza asset hotu arkiva iha dijitál ida atu nune’e husi nasionál to munisípiu bele asesu.
Diretór Ajénsia TIC TIMOR I.P., Venâncio Pinto hatete, iha formasaun Sistema GOTL CLOUD manajementu dadus ba Funsionáriu CNE fahe ba kategoria tolu hanesan CLOUD Government, Sistema Ofísiu atu dijitaliza karta-tama no karta-sai inklui arkiva karta atu nune’e, bele hatene karta ne’ebé distribui ona no ida ne’ebé arkiva ikus Sistema Rekursu Umanu.
“Iha buat tolu ne’ebé importante ho formasaun no implementasaun Sistema Ofísiu, CLOUD Government dadus, Rekursu Umanu nu’udár pasu ida importante iha kolaborasaun entre TIC TIMOR ho CNE ba implementasaun sistema dijitál iha ambiente servisu CNE ne’e rasik, hodi responde ba era transformasaun dijitál iha nasaun Timor-Leste”. dehan Diretór Ezekutivu TIC TIMOR I.P., Venâncio Pinto ba jornalista sira iha Salaun CNE, Colmera, Kinta (23/05/2024).
Diretór Ezekutivu informa, kada vés halo avaliasaun bazeia de’it ba buat ne’e, maibé sistema ne’e otomatikamente orasida nia prezensa ne’e mak bele termina ho relatóriu sira no dezempeñu la’ós fó ba tuir gostu ne’e lae maibé sistema mak termina dezempeñu ne’e.
“Ami mós suporta hela CNE kona ba sistema asset management atu rejistu asset sira ne’e iha ne’ebé de’it ne’e tama iha digital hotu”.
Aleinde ne’e mós, TIC TIMOR servisu hamutuk ho CNE atu re-konfirma fila fali sira nia sistema no rede internet atu integra hodi nune’e husi nasionál ba munisípiu iha liña ida de’it hanaran sistema Network connectivity.
“Husi sistema Network connectivity dadus sira ne’ebé iha arkiva hotu iha data base ida de’it atu nune’e husi nasionál too munisípiu sira bele asesu hotu”. Hakotu.
.
1,041 total views, 6 views today
Bele hare Video Seluk :
Subscribe to Timorpost
