Dili (timorpost.com)—Hahú Fulan Agostu mai too Outubru 2023, presu mundiál mina matak sa’e makas iha merkadu internasional no afeta mos mai Timor-Leste.
“Presu Mundial mina matak sa’e makas iha merkadu Internasionál”, Timor Post sita husi tabela folin mina mundiál 2023.
Folin atuál atu to fali ona 100 dolar/baril, laiha espekulasaun maibé ne’e realidade ne’ebé folin iha merkadu internasionál sa’e makas.
“Ita la adapta merkadu subsídiu tan ne’e ita nia folin merkadu lao tuir folin merkadu mundiál”.
Husi impaktu folin kombustivel iha merkadu internasionál afeta mós ba motorista ba transporte públiku husi mikrolete zero 01-11provizoriamente hapara operasaun pasajeiru iha kapitál Dili tanba folin kombustivel sa’e.
“Razaun husi Bemo “Mogok” tanba mina folin sa’e”. Haktuir Motorista Fernado Iha Comoro.
Husu ba governu atu bele buka solusaun ba mina folin sa’e.
Relasiona ho ida ne’e horisehik no ohin estudante barak sai preokupasaun balun tenke lao ain ho distánsia dook, balun hein to’o meiudia bemo la iha impaktu tebes ba estudu tanba besik ona ezame nasionál ne’e sei realiza iha semana ne’e.
Estudante Madalena iha Eskola 10 Dezembru hatete situasaun mikrolete “Mogok” susar tebes mai ami hanesan estudante.
“Agora atu tama tan ba ezame nasionál buat barak mak presiza maibé ho situasaun mina folin karun, impaktu ba Bemo la halai, nia faillansu mai ami estudante sira”. Nia haktuir ba Timor Post, iha Tasi-Tolu, Kinta (05/10/2023).
Nia dehan, husu ba estadu no Governu atu lalais haree ba problema refere tanba impaktu mai estudante barak tenke lakon oportunidade ba eskola besik ona ezame nasionál.
3,286 total views, 3 views today
Bele hare Video Seluk :
Subscribe to Timorpost
