ADVERTISEMENT

MS Aviza Komunidade Presiza Kuidadu Ho Risku Fenómenu Eclipse Solár

Augusto Sarmento - Edukasaun · Internasional · Saude · Siensia
Jornalista : Jacinto Caet
Editor : Mateus da Cruz
  • Share

DILI—Diretór Nasionál Saúde Públiku iha Ministériu Saúde, Frederico Bosco, hatete, relasiona ho fenómenu eclipse solar ne’ebé sei akontese iha loron 20 Abríl tinan 2023, nia husu ba komunidade sira hakmatek iha uma de’it no evita uza matan hateke direta ba fenómenu eclipse solar.

“Ami husu ba komunidade sira tenke evita aan husi fenómenu ida-ne’e, tanba ne’e fó impaktu liu-liu ba saúde, iha impaktu buat seluk maibé ita observa direta mak relasiona problema matan iha kapasidade atu haree no bele hamosu matan delek”, nia dehan ba Jornalista iha knaar fatin Kaikoli, Tersa (11/04).

ADVERTISEMENT
SCROLL FILA BA NOTISIA


Nia fó hatene ba komunidade sira karik asiste fenómenu ida-ne’e presiza sosa Ókulu ho tipu solar filters ho nia standard ISSO 12312-2, sei lakohi asiste bele hakmatek iha uma laran.

Lee Mós :
CNC, ME no UNESCO Realiza Workshop ba Profesór Istória

“Sei ita haree diretamente afeta ba órgaun retina iha matan nian, tanba sei hamosu naroman ne’ebé makaas tebes, naroman ida-ne’e liu tiha fali ita nia matan ne’ebé loron-loron haree ambiente sira”, katak nian.

Nia hatete, naroman ne’ebé sensivel liu bele altera funsaun rotina matan nian, ikus mai halo ema lakon kapasidade atu haree bele matan delek mós, komplikasaun ema sai delek ne’e bele sai matan delek permanente.

“Tanba ne’e atu evita ida-ne’e, hakarak ka lakohi komunidade presiza utiliza protetór solar filters ho tipu ISSO 12312-12, ida-ne’e mak Ministériu Saúde fó sai ba públiku atu labele pániku, hakarak atu haree karik tenke prepara aan liu-liu utiliza ókulu solar ida-ne’e”, nia dehan.

Lee Mós :
Kontratu Pesoál Saúde 225 iha Dili Remata

Nia haktuir, Ministériu laiha kapasidade atu sosa Ókulu ba komunidade, maibé papél Ministériu Saúde fó de’it informasaun oinsá atu prevene aan.

“Ha’u mós lahatene Ókulu iha ita nia nasaun disponivel ka lae, tanba Ministériu Saúde la responsabiliza atu disponibilidade Ókulu sira, se ema hakarak atu asiste ne’e responsabilidade ida-idak ninian, hanoin rasik deside atu asiste ne’e vontade ema ida-idak nian”, dehan nia.

Maibé Ministériu Saúde alerta ba komunidade sira katak, sei hakarak asiste presiza uza sasán protesaun hanesan solar filters, sei la disponivel hetan Ókulu ida-ne’e di’ak liu hakmatek iha uma laran.

Eclipse solar ka iha lia tetun hanaran loron mate, nu’udar fenómenu astronomia ida bainhira fulan pasa entre rai no loron hodi taka metin naroman husi loron nian mai rai. Eventu ida-ne’e atrativu tebes, jeralmente ema barak maka iha interese atu asiste.

Lee Mós :
Doutora Amita Thampa Hakotu Iis, Sei Haloot iha Dili tuir Tradisaun Nepal

Ba inan aman tenke kuidadu ho labarik kiik sira nia saúde matan. Ba ema hirak ne’ebé planeia atu asiste fenómena astronomia ne’e, presiza kumpre kritéria ba kuidadu saúde matan.

Tuir previzaun hosi sientista sira, akontesimentu loron matan nakukun total refere, sei akontese iha Timor-Leste hosi parte afeta barak liu iha Com, munisípiu Lautém to’o Beaco Viqueque. Tuir sientista sira akontesimentu total Solar Eklipse ne’e sei akontese kada tinan 145 mak foin akontese fali.

 3,321 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MS Aviza Komunidade Presiza Kuidadu Ho Risku Fe…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No