DILI(TimorPost)—Aban, Médiku espesialista na’in-5 husi Australia no hetan apoiu hosi médiku espesialista timoroan balun, hahú halo operasaun ba pasiente maioria labarik ho idade tinan 7 ne’ebé sofre moras Kolostomi.
“Ita iha labarik hamutuk na’in-50 ne’ebé preparadu ona atu screening depois halo operasaun, operasaun ne’e sei hahú ohin Kinta (13/04) to’o 22 Abríl 2023 mak remata, Labarik hirak ne’e maioria ho idade tinan 7”, informa Diretór Klínika Hospital Nasionál Guido Valadares (HNGV), Marcelino Correia, iha knaar fatin Bidau Toko-Baru, Kuarta (12/04)..
Nia hatete, Labarik sira atu hetan seguru ka livre husi soe fo’er presiza halo operasaun maibé tenke iha médiku espesialista atu nune’e hasai mangeira husi nia kabun sorin.
Médiku espesialista na’in-lima kompostu husi doutór operadór labarik nian na’in-ida, Anestezista na’in-ida no Enfermeiru na’in-tolu, sira sei servisu hamutuk ho médiku espesialista sira ne’ebé durante hala’o servisu iha HNGV.
Pasiente hirak ne’e mai husi munisípiu 13 inklui Rejiaun Administrativu Espesiál Oe-cusse Ambenu (RAEOA).
1,332 total views, 6 views today
Bele hare Video Seluk :
Subscribe to Timorpost
