ADVERTISEMENT

Eskola Cafe Likisá Hala’o Graduasaun Dahuluk ba Estudante Pre-Eskolár

Mario da Costa - Edukasaun
Reportajen : Editór Mario da Costa
  • Share
Serimónia Graduasaun Dahuluk ba Estudante Cafe Pre-Eskolár Likisá, Sesta (18/11), Imajen TP/Mario Costa

Likisá (timorpost.com) – Eskola Centros de Aprendizagem e Formação Escolar (Cafe) Likisá, Sesta (18/11), realiza atividade graduasaun dahuluk ba estudante Pre-Eskolár Na’in-60 iha tinan Letívu 2022.

Koordenadóra Eskola Cafe Likisá, Tereza Costa, hatete kontente tebes ho labarik sira-nia Graduasaun ne’e.

ADVERTISEMENT
SCROLL FILA BA NOTISIA

“Preparadu hosi aman sira, halo akompañamentu hosi aman sira ba oan sira iha prosesu aprendizajen tanba ita presiza edukasaun ne’ebé forte”, nia diskursu iha serimonia ne’ebé realiza iha eskola Kafe, lokaliza iha Suku Dato’, Postu Administrativu Likisá Vila, Munisípiu Likisá.

Lee Mós:
Samuel Fan Tomati Hodi Selu Eskola
Estudante graduadu sira forma hodi foto hamutuk, Sesta (18/11), Imajen TP/Mario Costa

Nia dehan, edukadór sira sempre fó importánsia ba labarik sira. Agora laiha prezenza professora Tomasia tanbá ho bebé, maibé nia fó beijinhos ba imi hotu.

“Entaun ha’u-nia dezeju, feliz, tanbá melhor alunu iha Likisá Tinan ne’e”, nia afirma.

Iha fatin hanesan reprezentante Inan-aman, Deonísio de Jesus da Costa, hato’o agradese ba profesór sira, tanbá eduka ona sira-nia oan to’o ohin loron realiza graduasaun.

Lee Mós:
Estudante UNPAZ Eis Prizoneiru Hatudu Kriatividade

Nune’e mós nia lori inan-aman sira nia naran husu deskulpa ba profesor sira, karik oan balun hatudu hahalok ne’ebé la di’ak durante prosesu aprendizajen, tanbá hanesan ema umana la sees hosi sala.

“Ami iha esperansa ba futuru, tanba eskola ne’e kontinua halo konstrusaun foun, ne’e sei kontinua ba labarik sira”, nia hateten.

Nia hatutan, eskola Cafe Likisá sei sai ezemplar ba eskola sira seluk ne’ebé eziste iha Munisípiu Likisá, tanbá prezensa professor sira hosi Portugal no Timor-Leste, Nasaun rua ne’e somos irmãos.

Portantu Observasaun Timor Post, nota atividade graduasaun ne’e, estudante sira Uza roupa tradisional (tais), tanba hakarak kontinua promove kultura Timor nian. Iha serimonia ne’e, antusiasmu hosi estudante no inan-aman sira.

 1,040 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eskola Cafe Likisá Hala’o Graduasaun Dahu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: