ADVERTISEMENT

Primeiru Ministru Agradese Estudante Sira-Nia Manifestasaun Kontra Parlamentu

Mario da Costa - Edukasaun
Jornalista : Jaime Pires
Editor : Mario da Costa
  • Share
Estudante sira ne'ebe halo manifestasaun kontra Parlamentu Nasional, Imajen Esp.

DILI (timorpost.com) – Primeiru Ministru (PM), Taur Matan Ruak, agradese ba Juventude no estudante sira ne’ebé halo manifestasaun hodi kontra Parlamentu Nasionál (PN), atu labele sosa Karreta no Laptop ba Deputadu no Deputada sira.

“Ha’u hakarak aproveita agradese ba ita-nia joven sira ne’ebé halo manifestasaun maibé ohin sira proibidu ne’e sinál di’ak, tanba ha’u preokupa tanba ita-nia oan sira ne’ebé aban-bainrua sai Prezidente, Prezidente Parlamentu no sai Primeiru Ministru, inklui sai deputadu/deputada inklui sai Governante,” hateten Taur Matan Ruak, Iha Parlamentu Nasionál, Kinta kalan (17/11).

ADVERTISEMENT
SCROLL FILA BA NOTISIA


Nia dehan, nia parte preokupa tanba liafuan sira ne’ebé sai husi estudante no joven manifestante sira-nia ibun ne’e la eduka ka bolu dehan agresaun verbal, ne’e la di’ak no la eduka.

Lee Mós :
Governu Tenke Próteze Timor Oan Iha Rai Li’ur

“Tanba buat ne’ebé sai husi ita-nia ibun ne’e hatudu ita ne’e se, entaun liafuan aat mak sai signifika ita mall edukadu ka ita-nia formasaun la di’ak, entaun ita-nia joven sira labele hanesan ne’e” hateten nia.

Nia aumenta, “Ha’u uluk sei ki’ik manifestasaun sira hanesan ne’e ha’u mak halo uluk iha Dili ne’e kontra portugés sira, maibé nunka trata ema ida, maibé halo ho sivizmu no edukadu,” deklara Matan Ruak.

Lee Mós :
Hatene Saláriu no Subsídiu ba Deputadu Kada Fulan, Injustisa Bo’ot

Tanba momentu sira kuandu tama iha trata no insulta, entaun lakon razaun tomak ka razaun atu halo manifestasaun laiha ona, entaun la presiza halo ho violénsia verbal no sira seluk tan hodi halo razaun priviléjiu la presiza ida ne’e.

“Horisehik ha’u iha Parlamentu Nasionál laran ko’alia ha’u iha informasaun la di’ak, tanba sira-nia objetivu di’ak, maibé sira lakon kontrolu ema seluk bele aproveita, kuandu ema seluk aproveita entaun risku vida ba sira nian, PNTL ninian inklui propriedade sira nian,” nia subliña.

Tanba osan laiha, maibé kuandu estraga sasán sira naturalmente tenke hola fali ka gasta fali osan, hanesan bikan karik sosa tiha ida aban baku rahun tiha bainrua nafatin tanba baku rahun tuituir.

Lee Mós :
PN Apoiu Planu Sirkulasaun Bus Damri Kupang-Dili

“Ho ida ne’e ha’u agradese ba sira no enkoraja sira kontinua aprende hodi uza direitu sira ne’e mellora forte hodi hatudu ba mundu mezmu ita-nia nasaun difikuldade mais asima de tudo ita ne’e ema sivilizadu, edukadu no iha formasaun ida ne’e mak importante,” nia hakotu.

 2,218 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Primeiru Ministru Agradese Estudante Sira-Nia M…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No