(Komunikadu Imprensa)
DILI (Timor Post) – Atu konsolida sistema nasionál siénsia no teknolojia, peskiza, dezenvolvimentu no inovasaun iha área estratéjiku sira maka Timor-Leste (TL) no Uniaun Europeia (UE) lansa ona servisu sientífiku peskiza inovativu iha serimónia soru mutuk virtual.
Serimónia virtual ne’ebé hala’o iha loron 12 Outubru 2021 ne’e partisipa hosi Xefe Delegasaun UE nian ba TL, Andrew Jacobs hamutuk ho reprezentante sira husi Ministériu Ensinu Superior, Siénsia no Kultura, Ministériu Negósiu Estranjeiru no Kooperasaun ho Prezidente Ezekutivu Institutu Nasionál Siénsia no Teknolojia (INST), Painél Peritu sira ba Polítika Apoiu ba Fasilidade (PFP) no Organizasaun ba Estadu Afrikana, Karaíba no Pasífiku sira (OACPS).
Tuir komunikadu imprensa ne’ebé Timor Post online asesu esplika katak, INST ninia misaun maka promove koñesimentu sientífiku no teknolójiku iha TL no hodi estimula ninia difuzaun atu hadi’a moris-di’ak iha nasaun ne’e, tuir Planu Estratéjiku Dezenvolvimentu Nasionál (PEDN) tinan 2011 to’o tinan 2030.
Sei nafatin hosi komunikadu imprensa hosi media UE nian ne’e hateten, iha ámbitu ida ne’e PFP nian ida estabelese hodi kria repozitóriu dijitál nasionál sira atu harii programa espesífiku ida ba Siénsia, Teknolojia no Inovasaun sira ho painél peritu sira.
PFP oferese servisu ne’ebé bazeia ba nesesidade nasaun nian ne’ebé hetan finansiamentu husi Uniaun Europeia ho osan millaun 60€ ka millaun USD$69 no implementa hosi Organizasaun Estadu Áfrikana no OACPS.
“UE no Governu TL haree ba dijitalizasaun no teknolojia dadus nian sira ne’ebé atu dinamiza iha asaun hotu-hotu hodi fó atensaun espesiál atu nune’e bele liga lakuna jéneru dijitál. Liu tan fali tau teknolojia ba servisu povu nian mak nesesidade urjente ida iha TL iha ne’ebé sistema governasaun seidauk funsiona ho di’ak, ne’ebé halo instituisaun públika sira sai inefisiente, rekursu sira ne’ebé ezijente no neineik atu presta servisu ba populasaun,“ afirma Embaixadór UE Andrew.
Objetivu husi enkontru virtual ne’e atu hahú estudu viabilidade hanesan faze dahuluk husi projetu ne’e. Iha estudu ne’e nia rohan, painél peritu sira sei bele fornese informasaun hirak ne’ebé mak presiza atu bele estabelese repozitóriu dijitál nasionál nian iha TL no apoia kriasaun programa Siénsia, Teknolojia no Inovasaun (STI) ida nian.(Lee notísia seluk iha jornál Timor Post no asesu you tube timor post)
1,152 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![TL–UE Lansa Servisu Investigasaun Sientífiku Inovativu](https://timorpost.com/wp-content/uploads/2021/10/Audensia-virtual.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)