DILI (timorpost.com) — Embaixadór Inglatera ba Timor-Leste iha Jakarta, hasoru malu ho Vise Ministru Negósiu Estranjeiru no Kooperasaun (V-MNEK), Julião da Silva, iha Austrália ko’alia kona-ba Timoroan atu serbisu iha UK (United Kingdom).
Nia hatete, hafoin vizita iha Reinu Unidus hotu, sira mós hala’o enkontru ho Embaixadór Inglatera nian ba Timor-Leste iha Jakarta, hodi ko’alia oinsá atu konvida Embaixadór para mai Timor-Leste iha tempu badak.
“Iha fulan Novembru nia komprometidu sei mai, atu esplika oinsá maka prosesu hodi entrada ba Inglatera ou serbisu iha Inglatera, no saida maka normalmente tenke aplay,” Julião dehan iha salaun VIP Aeroportu Internasionál Nicolau Lobato Komoro, Segunda (12/09).
Nia dehan, ba Timoroan sira katak, atu entrada ba Inglatera, tenke hanoin didi’ak, la presiza pasaporte Portugés.
“Entaun ha’u hanoin pasaporte Timor ho Portugés nia kualidade hanesan, hakarak aban ka bainrua ba ho pasaporte Timor, vontade 6 meses de’it ne’ebé ba paseu, hanesan ba vizita família,” nia esplika.
Agora atu ba serbisu ne’e rekezitu oin seluk fali, nune’e rekezitu ida ne’e mak dala-ruma ladún klaru, tanba ne’e husu ba Governu Inglatera atravez sira-nia Embaixada iha Jakarta.
“Ho ida ne’e husi Embaixadór rasik sei mai iha tempu badak hodi halo Tolk Show, maibé ami mós diskute posibilidade ka lae, Timoroan sira iha ne’ebá serbisu ho pasaporte Timor, nia dehan laiha problema,” Julião relata.
Nia afirma, husi ne’e parte Embaixadór dehan, maibé primeiru durante ne’e imi prense rekuermen ne’ebé iha, laiha problema.
Segundu lei foun ne’ebé agora iha, ema ne’ebé atu ba serbisu iha Inglatera, nia tenke iha abilidade, sertifikadu ne’ebé sei simu husi Inglatera ne’e hetan rekoñesimentu husi Inglatera rasik.
“Sira fó ezemplu ona hanesan Indonézia, iha ajensia ida ne’ebé fó formasaun ba Indonézia oan sira ho standar kualifikadu kurríkulu ne’ebé Inglatera nian rasik,” nia hateten.
Enkuantu husi ne’e, bainhira fulan Novembru Embaixadóror mai, Governu sei diskuse hodi ko’alia ho sira kona-ba asuntu ne’e, hodi ba futuru labele prezudika Timoroan, hanesan hotu-hotu hatene Timoroan enfrenta problema barak ho informasaun ne’ebé komplikadu ba sira.
2,864 total views, 6 views today
Bele hare Video Seluk :