Timor Post (04/01/2021)—Governu liuhusi Ministériu Edukasaun provizoriamente suspende atividade eskola públiku no privadu iha territóriu laran tomak. Suspensaun ne’e relasiona ho atake virus Corona (COVID-19) ne’ebé atualmente rejista ona pasiente hamutuk ema na’in-15.
Ministru Edukasaun Juventude no Desportu (MEJD), Armindo Maia liuhusi konferénsia ba imprensa subliña, medida ne’e foti hahú data ohin to’o iha fali desizaun foun ne’ebé sei iha despaixu konjuntu tuir situasaun iha rai laran.
“Suspensaun temporária hodi hein despaixu konjuntu husi Ministériu Edukasaun ho Ministériu Saúde,”
Desizaun ne’e foti bazeia ba dekretu lei governu númeru 21/2020, 30 de Dezembru kona-ba medida ezekusaun ba deklarasaun estadu emerjensia, liu-liu artigu 28 kona-ba estabelisimentu ba ensinu.
“Ho ida ne’e mak MEJD deside ba eskola publiku no privada sira tantu internasional iha timor laran tomak atu suspende lai kualker atividade prensensial inklui mós atividade inskrisaun no orientasaun ba estudante foun ba tinan 2021 ne’ebé konsentra ema barak iha fatin ida,” Ministru Armindo subliña.
Maske nune’e Governante ne’e dehan, MEJD sei kontinia haforsa programa online ensina distánsia, mak hanesan programa eskola ba uma, tele eskola iha rádiu, televizaun sira inklui mos iha media sosial hanesan Youtube.
Entretantu pasiente ba moras daet Corona (COVID-19) sa’e ba 15, hafoin laboratórium deteta tan pasajeirus na’in-2 ne’ebé ho aviaun AirAsia to’o iha Dili iha loron 22/12/2020.
Ho aumentu ne’e, Timor Leste rejista ona kazu komulativu hamutuk ema na’in-46 sura husi Marsu 2020.
Koordenador Pilar VII COVID-19, dr. Nilton do Carmo da Silva, SpOT, Mbiomed, haktuir, pasiente foun na’n-2 ne’e mane hotu, ida ho idade 24, mai husi Portugál iha 20 dezembru 2020 ho TAP Airlines no tránzitu iha Madrid. Iha data hanesan sai husi Madrid ba Doha ho Qatar Airlines no tránzitu iha Doha, iha 21 dezembru viájen husi Doha ba Malázia no toba kalan ida iha ótel sama-sama airport Kuala-Lumpur. Loron 22 dezembru husi Kuala-Lumpur Malázia mai Dili ho AirAsia.
Entretantu ida seluk, ho idade 34, mai husi Londres UK iha 20 dezembru ho Qatar Airlines no tránzitu iha Doha. Iha loron 21 dezembru viájen husi Doha ba tránzitu iha Malázia, iha 22 dezembru husi Malázia mai Dili ho AirAsia.
Iha loron 22 dezembru aviaun AirAsia tuun iha Dili ho pasajeiru hamutuk na’in-100. Pasajeiru hirak ne’e na’in 14 hela iha kuarentena ótel Vila Verde, na’in-8 iha ótel YQ no na’in-78 seluk hela iha kuarentena Otel Regal Apartment, ótel Time Square, ótel Fortuna, ótel Carla Mension.
Sawab foti iha loron 30 dezembru 2020, no rezultadu relata iha 2 janeiru 20201. Status pasajeiru hirak ne’e hotu kategoria close contact tanba iha ona istória kontaktu ho na’in-1 pozetivu detetadu iha Malazia ne’eb’e lakonsege mai Timor-Lete.
Dr. Nilton haktuir, kazu pozetivu na’in-2 ne’e hela iha ótel Vila Verde. Tanba ne’e, sidadaun sira ne’ebe konfina iha ótel Vila Verde hahú ohin estende tan kuarentena loron 14.
“Ikusliu nafatin lori ministériu saúde nia naran nomós ekipa covid-19 hakarak hato’o mensajen ba populasaun hotu katak ita sei iha estadu emerjénsia ita presiza kumpri regra sira ne’ebé ministériu saúde fó sai ona atu prevene moras covid-19. Ita hotu-hotu hatene ona katak saúde iha idak-idak nia liman rasik tanba ne’e diakliu ita prevene antes halo tratamentu,” dr. Nilton subliña iha konferénsia ba imprensa ne’ebé hala’o iha loron Domingu (03/01/2021), iha Salaun Ministeriu Saude, Dili. (cao/jmy)
892 total views, 6 views today
Oinsa Ita nia Reaksaun iha Notisia Nee?
You have reacted on “COVID-19: Ministériu Edukasaun Suspende Ativida…”
Bele hare Video Seluk :
Subscribe to Timorpost1
/
2194
FAMILIA SIMU TIMOROAN DEPORTADU HO MATAN BEEN
PREPARASAUN BA VIZITA SUA SANTIDADE ATINJE ONA 80%
FRETILIN HUSU GOVERNU KONSIDERA VITIMA EVIKSAUN SIRA NIA HALERIK
1
/
2194
