ADVERTISEMENT

Estudante UNTL Raut Malu ho PNTL, Tanba Blokeia Sira-Nia Eskola 

Mario da Costa - Edukasaun
Jornalista : Jaime Pires
Editor : Mário da Costa
  • Share
Estudante UNTL Sira ko'alia Maka'as hasoru membru PNTL sira, ne'ebé blokeia areadores eskola, imajen TP/Jaime Pires

DILI (timorpost.com) – Estudante sira husi Universidade Timor Lorosa’e (UNTL), raut malu ho Polísia Nasionál Timor-Leste (PNTL), tanba blokeia sira-nia Eskola hodi bandu sira labele sai mai arredores sira iha li’ur.

Observasaun Timor Post Online, ilha terreno, estudante sira ko’alia simu Malu ho membru seguransa Sira ho lian malas, tanba lá simu ho desizaun blokeia estrada to’o Resintu eskola nian.

ADVERTISEMENT
SCROLL FILA BA NOTISIA


“Ami la satisfás tanba, Autonomu Kampus ne’e sira mai halo fali intervensaun mai to’o eskola laran hodi bandu ami labele sai mai iha li’ur, serake ne’e arredores eskola nian no ami mak loron-loron uza ida ne’e,” dehan Estudante UNTL ida iha diskute malu ho PNTL, Kuarta (16/11).

Nia dehan, sira-nia parte hanesan estudante respeitu tebes PNTL sira-nia servisu, maibé labele halo intervensaun to’o iha eskola laran, no bandu estudante labele sai mai tur iha Jardín UNTL iha Parlamentu Nasionál nia oin ne’e.

Lee Mós :
PNTL ALerta Operasaun Tama Sai Bairru

“Manifestasaun ne’e seidauk iha mós Jardín ne’e ami mak uza, hodi halo tugas ruma, agora sira mai bandu ami, hodi duni ami tama hotu ba laran, no labele sai mai tur iha oin, serake fatin ne’e arredores eskola nian,” hateten Nia.

Nia subliña, karik sira simu karta ka orientasaun husi lider sira bele mai halo seguransa no bandu ema labele halo manifestasaun, maibé labele bandu hotu fali estudante sira ne’ebé atu mai eskola, no labele tur iha li’ur ka la’o ba mai iha arredores eskola nia oin, besik Parlamentu Nasionál.

“Arredores UNTL ne’e ami estudante sira nia direitu tomak atu uza labele bandu hotu fali ida ne’e, UNTL la’ós ema terrorizmu mak iha laran, hodi bandu ema lalika sai mai li’ur hodi sira buska atu kaer ema terrorizmu ne’e la’e, maibé ne’e Autonomu Kampuz sira labele mai intervein no bandu fali estudante sira,” hateten nia.

Lee Mós :
Komunidade Devotu Jesus Divina Misericordia Pratika Asaun Hadomi Ambiente

Tanba prezensa Polísia nian iha eskola de’it mós fó ona presaun piskolojia ba estudante sira ne’e maka’as loos iha sala laran, no laiha konsentrasaun atu halo sira-nia aprendizajen.

Enkuantu Reprezentante Polísia Nasionál Timor-Leste (PNTL), esplika ba estudante sira katak, sira simu karta husi Reitór UNTL no simu orden husi Komisáriu Jerál PNTL, hodi asegura fatin ida ne’e hodi ema labele halo demonstrasaun hanesan loron hirak ba kotuk to’o horisehik.

“Ami simu karta husi Reitór UNTL no simu orden husi ami-nia Komadante Jerál, hodi mai asegura fatin ida ne’e atu ema labele halo demonstrasaun, tanba ne’e ami husu atu ita bele koopera malu, karik tama aula no asesu ba Biblioteka bele, maibé labele sai mai tur iha li’ur eskola nia oin,” dehan nia.

Lee Mós :
Estudante UNTL Halo Asaun Pasifika Hasoru Universidade

Tuir observasaun ne’ebé Timor Post haree, PNTL kompostu husi Taksforce, Tránzitu no Unidade Nasionál Espesiál Polisia (UEP), blokei kedas dalan diresaun husi Kampu Demokrasia mai Parlamentu Nasionál nian oin, no taka mós Diresaun husi Pateo nia tesik fali ba Parlamentu Nasionál.

La’o ne’e de’it, PNTL okupa tomak, arredores iha Parlamentu Nasionál nian oin, nune’e mós iha arredores Jardín UNTL nian, nune’e mós iha eskada edifísiu UNTL laran atu sa’e ba andár leten, fatin ne’ebe Portavós sira ko’alia iha tempu halo demonstrasaun.

Fó hanoin katak, jornalista sira kompostu husi média sira hotu iha Timor-Leste, deside atu ba konfirma Reitór Universidade Nasionál Timor Lorosa’e, João Martins, maibé laiha nia fatin.

 2,420 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estudante UNTL Raut Malu ho PNTL, Tanba Blokeia…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No