(Reportajen Mariano Abi/ Asistente editor Hermenegildo da Costa Tilman)
Dili (Timor Post) – Serbisu Autónomu Medikamentu no Ekipamentu Saúde (SAMES), abertura formasaun kona ba Planeamentu Monitorizasaun no Avaliasaun ba funsionariu SAMES hamutuk na’in 36, hahú hosi diretór ezekutivu, diretór nasionál, xefe departamentu no pontu vokál sira.
Diretór Ezekutivu Serbisu Autónomu Medikamentu no Ekipamentu Saúde (SAMES), Santana Martins, hatete formasaun ne’e nu’udar formasaun ida hosi programa SAMES nian hodi ko’alia kona ba prosedimentu sira liga ho Planeamentu monitorizasaun no avaliasaun serbisu nian.
“Ami konvida gabinete polítika Planeamentu kooperasaun Ministériu Saúde, husu sira nia atividade ekipa, atu bele mai fó formasaun ida ne’e, hodi ami nia esperansa katak, to’o fin ami bele implementa Planeamentu monitorizasaun ho avaliasaun sira ne’e la’o tuir matadalan ne’ebé mak husi Ministériu Saúde,”nia dehan ba Jornalista sira iha Salaun Lasama, SAMES, kampu Alor, kuarta (09/03).
Nia hatete, atividade ne’e kolia espesifiku konaba oinsá mak halo planu ida ne’ebé mak diak no oinsa haree kona ba ninia implementasaun.
“Importante mak ne’e, iha planeamentu ne’ebé no implementasaun ne’ebé mak di’ak, ba monitorizasaun, avaliasaun, iha relatóriu ne’ebé mak atu la’o tuir indikadór ka prosedimentu ne’ebé mak define tiha ona, tanba dala ruma parte husi Ministériu Saúde sira ne’e sempre husu, ami tenke submete relatóriu sira tuir indikadór ne’ebé mak ita define tiha ona, kada tinan no relatóriu fulan neen, ne’ebé ami nia esforsu ne’e atu halo uniformizasaun, liu-liu Ministériu Saúde orienta ne’e ita tenke la’o hanesan,” nia subliña.
Iha sorin seluk, xefe departamentu serbisu Planeamentu Monitorizasaun no Avaliasaun, Maria Natalia, dehan, formasaun ida ne’e diak atu hodi hatene kona-ba progresu no tarjetu tuir buat ne’ebe trasa ona.
” para hatene ita nia progresu serbisu sira, tuir indikadores no tuir tarjetu ne’ebé mak ita transa ona, ida ne’e suporta tebes ita atu ba ne’ebé, to’o ona iha ne’ebé, saída mak di’ak ona, saída mak seidauk di’ak,” nia dehan. (Lee notísia seluk iha jornál Timor Post/ asesu you tube Timor Post)
1,211 total views, 3 views today
Bele hare Video Seluk :
Subscribe to Timorpost
