(Reportajen Cardenio Alves/Editor Mateus da Cruz)
DILI (Timor Post)- Bee Timor Leste Empreza Publika (BTL,E.P), Ohin, asina kontratu ho kompañia Wetodo hodi responsabiliza ba implementasaun projetu bee moos iha Soibada, Munisípiu Manatutu.
“Ohin, Ita halo kontratu ho kompañia Wetodo Kona ba projetu bee moos, iha Postu Administrativu Soibada Munisípiu Manatutu, tanba kuaze tinan barak la asesu bee moos, nune’e iha tempu badak komesa hala’o ona prosesu konstrusaun fízika iha fatin refere”, Prezidente Bee Timor Leste, Empreza Publika, Carlos Peloy, dehan ba Jornalista Iha Edifísiu BTL,E.P, Kaikoli, Sesta, (03/06).
Nia hatete, BTL, E.P asina kontratu ho kompañia Wetodo tanba kompañia ne’e maka nu’udar manan na’in ba prosesu tenderizasaun ne’e.
Hafoin asina kontratu ne’e prosesu konstrusaun sei iha implementa iha semana ida ne’e nia laran. Projetu Ida ne’e realiza ho orsamentu kuaze 772,944.46, USD no sei kobre distánsia 25 KM,
“Ita espera katak tuir BTL,E.P ho kompañia Wetodo nia kontratu ne’ebe iha sei implementa durante fulan neen, hahú iha loron 1 Jullu, to’o loron 1 Dezembru 2022 finaliza no fiar katak sei laiha problema no nafatin armoniza to’o hotu”, nia hatete.
Iha fatin hanesan Diretór Kompañia Wetodo, Mario doa Reis Amaral, hatete, kompañia Wetodo Unipesoal Lda, JV Talisahe Unip Lda ho ekipa tékniku prontu ona atu implementa konstrusaun Bee moos hodi benefisa populasaun Uma-kain 280.
Husi projetu ne’e sei benefisia, ba Suku sira Iha Postu Soibada, Munisípiu Manatutu hanesan, Suku Samoro, Manlala, Leohat, Fatumaquerec.
“Ami husi kompania Wetodo ne’ebé mak asina kontratu ho BTL,E.P katak Ami prontu servisu tuir tarjetu no Ami garante katak sei hatudu kualidade husi projetu refere”, nia hakotu.
1,203 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Wetodo Garante Projetu Bee Moos Iha Soibada Kualidade Di’ak](https://timorpost.com/wp-content/uploads/2022/06/btl-e1654245524612.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)