DILI(timorpost.com)—Koordenadór Programa Nutrisaun, Sentru Saúde Vera Cruz, Antonio da Cruz, hatete, governu liu hosi Ministériu Saúde presiza aumenta tan Rekursu Umanu (RU) ba progama Nutrisaun, nune’e atendementu ba komunidade ho labarik sira bele la’o ho diak..
“Ami nia hakarak ne’e presiza tan rekursu umanu ba iha fatin nutrisaun ne’e hodi koloka ba iha postu sanitáriu sira, nune’e bele halo atendimentu ba programa nutrisaun ne’e la’o ho di’ak”, Antonio informa ba jornalista iha nia kna’ar fatin, SSVC, Kaikoli, Kinta, (22/02).
Nia hatete, dauduan ne’e total pesoal saude ba programa nutrisaun daudauk ne’e so iha de’it koordenador nain ida no pesoal kontratadu na’in ida de’it entaun numeru ne’e la sufisiente atu atende populasaun ne’eb’e barak.
Impkatu hosi rekurus umanus ne’eb’e menus, maka dalabarak programa atu implementa ba komunidade sira mos menus. Programa ida ne’e importante tebes atu sukat labarik sira nia todan, altura, liman, para atu deteta kazu ma-nutrisaun.
“Ha’u hanoin presiza rekursu umanu tenke sufisiénte, se la sufisiénte ita hasoru problema, nune’e presiza tan rekursu umanu liu-liu ema nutrisionista ida tau atensaun atu deteta kazu ma-nutrisaun”, nia hateten.
Antonio esplika, Sentru Saúde Vera Cruz, liuhusi programa nutrisaun iha Postu Sanitaria iha fatin tolu, hanesan Dare, Lahane osidentál no Vila verde, maibé responsavel hodi hala’o kna’ar hanesan nutrisionista maka laiha.
Entaun tuir Koordenadór Nutrisaun SSVC katak, agora daudauk médiku parteira sira maka ajuda, maibé tenke aumenta rekursu para bele foku ba iha programa nutrisaun ne’e la’o ho di’ak.
“Bainhira rekursu umanu menus ida ne’e bele implika ba atendimentu, tanba presiza dadus ne’e tenke ho kualidade”,nia hakotu.
Antes ne’e Ministra saúde Élia dos Reis Amaral, promete sei halo rekrutamentu tan iha Fulan Marsu ne’e hodi koloka Profisionál Saúde, ba iha fasilidade saúde ne’ebé daudauk menus rekursu umanu, atu halo asisténsia ba komunidade.
“Ha’u hanoin Pesoál saúde ne’ebé daudauk ne’e halo voluntáriu iha fasilidade saúde, ita sei halo rekrutamentu tan iha Fulan Marsu nia laran, maibé ha’u seidauk determina loron ka data, ne’ebá depende ba ekipa rasik, depois hare ba oin”, nia Promete.
Governanta ne’e afirma, la’ós haree de’it Pesoál Saúde ne’ebé voluntáriu, maibé rekruta Pesoál Saúde sira ne’ebé fasilidade saúde sei falta iha fatin ne’ebá mamuk sei koloka ba. Depende ba iha sira nia rezultadu, depois alokasaun primeira faze hotu maka hahú fali ba segundu faze.
2,772 total views, 3 views today
Bele hare Video Seluk :
Subscribe to Timorpost
