ADVERTISEMENT

USAID-UNICEF Entrega Ekipamentu ba MS

Mario da Costa - Saude
Jornalista : Ermelinda Caet
Editor : Mário da Costa
  • Share
USAID-UNICEF entrega Ekipamentu ba Ministériu Saúde, Imajen TP/Ermelinda Caet.

Dili (timorpost.com) – United States Agency International Development (USAID) hamutuk ho United Nations International Children’s Emergency Fund (UNICEF) Entrega Ekipamentus Kritikal Médiku no Sasán balu Kontrolu Infesaun ba Governu liuhusi Ministériu Saude (MS) hodi ajuda esforsu no bele haforsa sistema saúde iha rai laran.

Tuir Ministra Saúde, Odete Maria Freitas Belo, hatete ohin mai iha termu entrega ida husi USAID ho UNICEF ba sasán ne’ebé apoiu mai husi sira nafatin servisu hamutuk fó apoiu ba sasán sira ne’ebé liga ho kovid-19, sasán sira ne’e iha estelizasaun nian, mákina oxigénio nian, sasán uitoan ba limpeza no seluk tan.

ADVERTISEMENT
SCROLL FILA BA NOTISIA


“Ha’u haree to’o momentu ida ne’e maski kazu ne’e menus ona maibé ita nafatin simu ekipamentu sira ne’ebé apoiu liga nafatin ho kovid-19 husi USAID ho UNICEF entrega hodi halo servisu no ajuda haforsa sistema saúde nian iha Timor-Leste,” nia dehan iha Resintu SAMES Kampu-Alor, Segunda (24/10).

Nia haree oxigénio konsentreiter mákina ne’ebe simples bele lori ba mai ne’e di’ak, liuliu iha situasaun sira ne’ebé emerjénsia nian hanesan iha fatin rurais sira ne’e importante tebes presiza mákina hanesan ne’e, no sasán sira ne’ebé ohin sira simu atu uza no distribui, hahú husi oxigénio kosentreiter no ekipamentu seluk tan ne’ebé simu daudauk, atu atende sira iha situasaun Krítiku nian iha rai laran.

Lee Mós :
EUA Tulun Millaun 18 USD Promove Rekuperasaun Ekonomia

Ba pipiai dala-ruma husu ba komunidade sira atu uza Máskara, fase liman nafatin, ida ne’e presiza tebes, liuliu sira ne’ebé hanesan lina frente mak tenke kuidadu aan uluk bainhira fó atendementu ba ema, ida ne’e akontese iha ne’ebé de’it.

“Tanba ne’e ha’u agradesimentu ba servisu hamutuk ida ne’e USAID ho UNICEF nafatin fornese mai ami sasán sira ne’ebé liga ho kovid-19, maibé ami tenta atu uza ekipamentu sira ne’e la’ós kovid-19, maibé ba nesesidade ne’ebé ami-nia sentru saúde, postu saúde no ospitál referral sei presiza no ita hotu presiza, espera ita-nia servisu hamutuk lakotu iha ne’e,” nia agradese.

Iha fatin hanesan Enkaregadu Negósiu Embaixada Estadus Unidus Amérika, Thomas Daley, aumenta kontribuisaun ida-ne’e posibilita husi Estadus Unidus Amérika hodi ajuda Timor-Leste responde ba COVID-19 no reforsa seguransa saúde ba tempu naruk no ajuda sentru saúde komunitáriu sira iha munisípiu lima atu hadi’a kualidade bee, saneamentu, ijiene no halo prevensaun no kontrolu ba infesaun.

Lee Mós :
ADTL Aprezenta Rezultadu Peskiza 2022 ba USAID, Asesu Iha Edukasaun

Kontribuisaun ida ohin ne’e marka momentu istóriku ida tan iha kompromisu hodi halo parseria ho Timor-Leste ho objetivu mellora rezultadu saúde ba povu Timor-Leste.

“Ha’u hakarak aproveita oportunidade ne’e hodi hato’o ha’u-nia agradesimentu espesiál ba pesoál saúde sira ne’ebé hala’o ona knaar esensiál hodi kombate COVID-19 iha sirkunstánsia ne’ebé nakonu ho dezafius. No ha’u hato’o parabéns ba ita-boot sira-nia servisu maka’as no dedikasaun hodi hametin seguransa saúde no ajuda lansamentu no fornese vasinasaun ne’ebé importante tebes, no mós Obrigadu ba Ministériu Saúde ba ninia lideransa kontínuu hodi hatán ba COVID-19 no asegura seguransa saúde ba tempu naruk”, nia dehan.

Estadus Unidus Amérika iha nafatin kompromisu hamriik-hamutuk ho sira hanesan belun no parseiru enkuantu serbisu hamutuk ba iha kauza komún hodi fortalese povu Timor-Leste nia saúde.

Lee Mós :
CVTL Hamutuk Banco de Sangue Halo Sosializasaun ba Staff Timor Post

Aleinde ne’e Reprezentante Interinu UNICEF Timor-Leste Ainhoa Ajaureguibejtia, hatutan Oxigênio ne’e importante tebes hodi salva ema nia vida bainhira hetan moras ruma ne’ebe relasiona ho sistema respiratóriu inklui ba tratamentu pasiente ho severo COVID-19 ou pneumonia.

“Ohin loron, ami fornese tan konsentradores de oxigênio hamutuk 50 ba Ministériu Saúde hodi distribui ba fasilidade saúde iha nasaun laran, Prevensaun no Kontrolu Infesaun hanesan xave hodi asegura profissionais saúde, pasiente no visitantes iha fasilidade saúde, seguru nafatin husi moras no ajuda hapara tranzmisaun moras”, nia tenik.

Nia haktuir agradese ba parseria ne’ebé di’ak tebes entre Ministériu Saúde, USAID no UNICEF ba implementasaun inisiativa kritikal ida ne’e, sira-nia esperansa hodi habelar parseria ida ne’e hodi fó benefisiu ba labarik Timor-Leste no sira nian família.

 2,371 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “USAID-UNICEF Entrega Ekipamentu ba MS” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No