DILI– Relasiona ho Stock out ai-moruk iha nasaun Timor-Leste, Governu Dasia liu hosi Ministériu Saúde sei tau iha planu prioridade durante loron 100 nia laran bele rezolve hodi fó atendimentu ba komunidade sira.
Ministra Saúde, Elia dos Reis Amaral, hatete, durante loron 100 nia laran sei enkontru ho ekipa husi Ministériu Saúde no mós dirijente sira atu nune’e haree servisu ne’ebé durante hala’o tiha ona no mós dezafiu saida mak infrenta atu nune’e bele hadi’a.
Nia dehan, daudaun ne’e stock out ai-moruk laiha sai prezudika iha públiku, tanba ne’e ezijénsia atu haree uluk.
“Hanesan ita hotu hatene katak, ohin (horishein) ami foin simu tomada de posse, ami sei enkontru ho ekipa iha ministériu saúde rasik atu nune’e haree problema no dezafiu ne’ebé durante hasoru ka iha tiha ona, liu-liu servisu ne’ebé kualidade atu nune’e salva povu tomak”, nia dehan ba Jornalista hafoin simu todama de posse iha Palasiu Prezidente Aitara-klaran, Sabadu (01/07).
Nia haktuir, ho programa estratejiku iha ona, entaun oinsá haree prioridade Ministériu Saúde nian, foka liu saúde merterna infantil no mós nutrisaun komunitariu liu-liu ba labarik ne’ebé iha kresimentu la tuir nia altura.
Alende ne’e, haree mós moras kontajioja no noun kontajioja inklui planu nasionál vasinasaun atu hasa’e taxa kobertura atendimentu.
Nia dehan, foin simu tomada de posse sei haree ba ema ne’ebé mal-nutrisaun la tuir nia altura, alende haree mós saúde Na família inklui problema ne’ebé durante Ministériu Saúde enfrenta.
Entretantu antes ne’e Diretora Servisu Apoiu Diagnostiku no Terapiotiku (SADT), iha Hospital Nasionál Guido Valadares (HNGV), Mingota da Costa Herculano, hatete, daudaun ne’e stock out ai-moruk iha HNGV porsentu 18, númeru ida ne’e sei sa’e maka bainhira governu la responde lalais.
“Porsentu 18 ne’e númeru boot tebes, entaun governu foun tenke prioritiza liu-liu aimrouk tanba ita haree katak oras ne’e daudaun HNGV pasiente barak mak baixa”, Nia hato’o ba Jornalista iha knaar fatin HNGV, Bidau, Tersa (27/06).
Nia hatete, ho porsentu 18 ne’e ho númeru boot tebes, iha ai-moruk item 133 mak laiha afeta boot ba utilizadór sira, liu-liun atendimentu iha HNGV, tanba stock out la’ós ai-moruk de’it inklui re-ajente prinsipál sira.
Nia espera katak governu foun mai prioritiza saúde liu-liu iha SAMES, presiza a-loka orsamentu boot ba setór saúde liu-liu aimoruk.
1,477 total views, 9 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Ministra Elia Sei Rezolve Uluk Problema Stock Out Ai-moruk](https://timorpost.com/wp-content/uploads/2023/07/eliaaMS.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)