DILI (TimorPost.com)-Ministru Administrasaun Estatal (MAE), Tomas Cabral husu Autoridade Munisipal, liuhusi prezidente Autoridade Munisipal sira, atu servi komunidade ho dignu no responsabilidade.
“ Servi povu ka Komunidade, ne’e ita nia responsabilidade, atu administra ho di’ak iha 14 munisipiu no RAEOA,” Ministru Administrasaun Estatal (MAE), Tomás do Rozario Cabral dehan iha Delta Nova, Dili, Kinta-feira (31/08/2023).
Prezidente Autoridade Munisipal (PAM) sira tuir Ministru Tomas Cabral, tenke implementa programa infraestrutura ho solidu, liuliu halo dezenvolvimentu lokal sai furak,
“Ita haree, fatin Administrasaun balun, sabraut liu, Konstrusaun sira desde uluk tempu Indonésia, mak sei uza nafatin, maibé seidauk rehabilita. Autoridade sira tenki investe orasamentu ruma, hodi rehabilita no servi komunidade sira ho dignu,” Ministru dehan tan.
Nia mos husu Autoridade sira, atu tau matan ba ambiente matak no furak, liuhusi kuda ai-funan ruma iha Jardin sira, ai-oan sira hodi fó mahon ba sidade sira iha Timor Leste.
1,056 total views, 3 views today
Bele hare Video Seluk :
Subscribe to Timorpost
