Dili(timorpost.com)—Sekretariadu Tékniku Administrasaun Eleitorál (STAE) munisípiu Aileu, informa ba Eleitores hotu munisípiu Aileu nian katak, hahú loron 09 to’o 16 fulan Abríl tinan 2023, STAE sei taka sai Lista Eleitores ba Expozisaun iha Sede Suku ida-idak.
Tanba ne’e husu ba eleitór hotu atu bele hakbesik-an ba iha Sede Suku idak-idak, ho nune’e karik Eleitór balu mak hanesan tuir mai, naran laiha lista, kartaun eleitorál lakon, kartaun eleitorál tohar no dadus laloos husu atu halo reklamasaun liuhosi prienxe formuláriu Atualizasaun Baze de Dadus (ABD) ne’ebé Ofisial STAE/Brigada ne’ebé destaka iha Suku idak-idak ne’ebé prepara.
Keta haluha aprezenta dokumentu komprovativu hodi prosesa no atualiza fali ita boot sira nia kartaun eleitorál, hodi bele ezerse ita boot sira nia direitu de votu iha Eleisaun Lejizlativa iha loron 21 fulan Maiu tinan 2023.
Rekizitu:
Naran la existe, aprezenta sertidaun RDTL ka BI válidu ka Pasaporte RDTL válidu Kopia Orijinál, Kartaun lakon, aprezenta deklarasaun kartaun lakon hosi PNTL, anexa ho Sertidaun RDTL ka BI válidu ka Pasaporte RDTL válidu kópia orijinál.
Kartaun tohar, hadi’a naran ka data moris aprezenta sertidaun RDTL ka BI válidu ka pasaporte válidu kopia orijinál.
Notísia ne’e asesu liuhosi pájina STAE Aileu nian, Segunda (10/04/2023). (*)
1,980 total views, 3 views today
Bele hare Video Seluk :
Subscribe to Timorpost
