DILI, 23 Maiu 2024— Membru FALINTIL–Forsa Defesa Timor-Leste (F-FDTL) husi Komponente Navál (CN, sígla Portugés), Unidade Fuzileiru na’in-91 sei destaka iha postu 4 iha teritóriu Timor-Leste nian, kontrola teritóriu tasi Timor, hodi redús númeru peska ilegál.
Chefe Departamentu Baze Dadus, Primeiru Tenente, Estornino Exposto dos Reis, hatete Komponente Naval hanesan Komponente ida ne’ebé destaka iha Hera ho nia misaun hatuur ona iha lei, tanba ne’e, sei koloka membru sira iha postu 4 hodi kontrola peska ilegal iha Tasi Timor.
“Komponente Navál agora daudauk iha markas (baze-red) ida iha Hera no sei fahe ba postu 4, maka hanesan postu Ataúru, Oekusi, Betanu, no Oleo Pezadu Hera, no iha futuru ami sei koloka tan membru sira ba iha Suai no Betanu, hodi nune’e bele hamenus númeru peska ilegál iha Tasi Timor”, Chefe Departamentu Baze Dadus, Primeiru Tenente, Estornino Exposto dos Reis, ba media Komponente Navál, iha Kuartél Jenerál, Fatuhada, Dili, Kinta (23/05).
Tenente haktuir, Komandu Komponente Navál koloka ona efetivu ba iha fronteira maka hanesan fronteira iha Oekusi, Ataúru, inklui koloka iha Betanu, munisípiu Manufahi, no Oleo Pezadu Hera, Dili.
“Daudaun ne’e ami koloka ona membru F-FDTL tuir efetivu fronteira hanesan, iha postu Oekusi ema na’in-22, Ataúru ema na’in-22, Betanu ema na’in-22, Oleo Pesadu Hera ema na’in-25, tanba daudauk ne’e ami-nia membru efetivu menus, maibé ba futuru ami sei aumenta tan membru hodi asegura di’ak liután riku-soin Tasi nian”, Primeiru Tenente ne’e hateten.
Tenente ne’e informa tan katak, membru sira ne’ebé halo destakamentu ba iha postu sira, daudauk ne’e fasilidade sei menus hela, kazerna, sanitária, viatura militár no botes ba marítima, tanba ne’e prejudika tebes servisu sira iha Tasi.
Durante membru sira destaka iha postu 4 ne’e sei fó apoiu ba Unidade Polísia Marítima (UPM) husi PNTL, autoridade lokál, no mós komunidade, tuir kbi’it ne’ebé forsa Navál iha.*
3,642 total views, 9 views today
Bele hare Video Seluk :
Subscribe to Timorpost
