Dili, 22 Maiu 2024— Membru FALINTIL Forsa Defeza Timor-Leste (FALINTIL_FDTL) liuhosi Komponente Aéreo Lijeira lidera husi, Kapitaun Aleixo Verdial Almeida, hala’o ezersísiu fíziku hodi mantein postura nu’udar militár iha Baze Hangar C, Aeroportu Internasionál Prezidente Nicolau Lobato, Kumoro, Dili.
Kapitaun Aleixo Verdial Almeida, hatete aktividade ezersísiu fíziku ne’ebé militár sira hala’o ne’e hanesan parte importante ida ba saúde, atu mantein saudável hodi hala’o servisu ho di’ak.
“Ezersísiu fíziku ne’e hanesan dutrina ba ita-nia militár sira, ezersísiu ida–ne’e importante ba ita hodi bele hasa’e di’ak liutan fíziku ita idak-idak nian, nune’e bele kumpri missaun iha kualker tempu ho di’ak”, Kapitaun Aleixo Verdial Almeida informa ba membru militár sira bainhira ezersísiu fíziku ne’e remata, iha Baze Hangar C, Aeroportu Internasionál Prezidente Nicolau Lobato, Kumoro, Díli, Kuarta-feira, 22 fulan-Maiu 2024.
Nia hatutan, “Ezersísiu fíziku ne’e hodi prepara ita ida-idak nia-an nu’udar militár hodi bele pasa bainhira iha ezame Paf”.
Ezersísiu fíziku ne’e hanesan atividade diária ne’ebé militár sira hala’o iha baze, kada semana dala tolu, iha loron-Segunda, Kuarta, realiza iha parte loraik, iha oras tuku 04:30 no Sesta-feira hala’o iha parte dader iha oras tuku 06:00.
Membru FALINTIL-FDTL husi Komponente Aéreo Lijeira ne’ebé partisipa iha ezerísiu fíziku ne’e kompostu husi ofisiais, sargentu, no prasas.*
669 total views, 6 views today
Bele hare Video Seluk :
Subscribe to Timorpost
