DILI (timorpost.com)—Diretór Ezekutivu HAK, Feliciano da Costa de Araújo hatete Timor-Leste sei menus ró operasionál atu kontrolu rikusoin tasi Timor nian no mos presiza hadia seguransa Maritima.
“Tasi Timor riku ikan no bio diversidade seluk, maibé ró ilegál sira sempre tama mai na’ok, no ita labele halo buat ida tanba ita menus iha rekursu ró ne’ebé ho nia kuantidade kiik hodi labele halo kontrolu ba ró peska ilegál sira ne’ebé sempre tama mai na’ok ita nia rekursu sira hanesan ikan”. Nia dehan ba Timor Post iha Faról, Dili, Segunda (02/10).
![](http://timorpost.com/wp-content/uploads/2023/10/marine-search-and-rescue-2-700x400.jpeg)
Nia haktuir, haree husi satélite hatudu momoos katak tasi timor kada semana ró peska ilegál sempre tama na’ok ikan Timor nian.
“Presiza reforsa iha ró ba Komponente Naval-F-FDTL no Polisia Marítimu atu nune’e bele halo kontrolu ba rikusoin iha tasi Timor”. Nia dehan.
Iha ró balun ajuda husi Governu Xina ne’e ki’ik oan no la to’o atu halo kontrolu másimu ba tasi Timor, tanba ne’e presiza reforsa no investe ró seluk ba kontrolu tasi.
Laos investe de’it ba ró, maibé presiza mós rekursu umanu ne’ebé kualidade, esperiénsia multi funsaun.
“Presiza aplika sistema ida rigorozu hanesan nasaun Indonézia nian bainhira kaptura ró peska ilegál iha tasi, di’ak liu halo rahun kedas iha fatin, atu nune’e peskadór ilegál sira ta’uk no la repete tan aktu ilegál sira iha tasi Timor. Importante mak foti deit pasazeru ba iha roo Naval ou maritima nian, no Roo ilegal sira ne’ebe iha tiru rahun tiha ba tasi laran, atu nunee bele eduka malu katak atividade ilegal ne’e ladiak, tamba ema barak maka terus no ida rua maka goja, ”. Hakotu.
2,271 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Hamenus Peska Ilegál, Presiza Hadia Seguransa Maritima](https://timorpost.com/wp-content/uploads/2023/08/HAK.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)