DILI (timorpost.com) – Polisia Nasionál Timor-Leste (PNTL), bandu Funsionáriu Públiku sira uza karreta Estadu hodi halo movimentu iha tempu Natal ho Tinan Foun.
Portavós Komandu Jerál PNTL, Superintendente Xefe Arnaldo de Araújo, hatete relasiona ho loron boot Natal ho Tinan Foun besik ona, tanba ne’e nia husu ba funsionáriu públiku sira, atu la bele utiliza karreta Estadu.
“Ita husu ba funsionáriu públiku sira, atu la bele utiliza karreta Estadu iha loron feriadu no loron boot natal ho Tinan foun, tanba ita sei halo pasa revista iha tempu ne’ebá,” dehan Arnaldo liuhusi konferénsia imprensa iha Komandu Jerál PNTL, Kaikoli, Kuarta (14/12).
Alende ne’e nia dehan, la’ós PNTL de’it mak halo pasa revista, maibé ekipa konjunta hanesan Patrimóniu Estadu, Komisaun Anti Korrupsaun (KAL) no Polisia Tránzitu mak sei halo movimentu iha tempu feriadu ho loron boot.
“Maibé, karik ita-nia ekipa konjunta halo pasa revista mak identifika sei prosesa tuir lei,” nia dehan.
Nia hatete, funsionáriu públiku sira atu halo movimentu ka sirkula ho karreta Estadu, tenke iha orden husi kada ida-idak nia Ministériu hanesan guia de Marxa, atu nune’e justifika katak sira hala’o hela sira-nia serbisu, kuandu laiha la bele halo Movimentu iha loron refere.
1,679 total views, 9 views today
Bele hare Video Seluk :
Subscribe to Timorpost
