Konfrontu Iha Maskarinhas, PNTL Prosesa Ona Ba Ministériu Públiku

DILI (timorpost.com) – Relasiona ho konfrontu entre joven ho joven asaltu malu iha area Maskarinhas iha loron Sábadu (19/11), hodi rezulta vítima inisiál CDS kanek grave, Komandu Polisia Nasionál Timor-Leste (PNTL) liuhosi Munisípiu Dili, prosesa ona ba iha Ministériu Públiku (MP), hodi buka tuir autór sira.

Portavós Komandu Jerál PNTL, Superintendente Xefi Arnaldo de Araujo, hatete kona-ba kazu ne’ebé akontese iha area Maskarinhas hodi rezulta vítima ho inisial CDS ho komunidade sira-nia karreta tolu ho uma rental ida hetan estagu ne’e, parte Komandu Munisípiu Dili, mak atende kazu ne’e.

SCROLL FILA BA NOTISIA

Lee Mós :

PNTL Sei Blokeiu Estrada Palasiu Prezidensiál

“Ha’u hanoin kona-ba kazu iha Maskarinhas ne’e, Komandu Munisípiu Dili, atende no haree ona no prosesu ba ona iha Ministériu Públiku (MP), iha tempu badak ita bele hatene no buka tuir sira hodi prosesa”, nia hateten iha Komandu Jerál PNTL, Kaikoli, Segunda (21/11).

Nia dehan, prosesu sei la’o hela no parte Komandu PNTL Munisípiu Dili, sei kontinua buka tuir autór sira, maibé daudaun seidauk hetan autór sira.

“Parte ami nian halo rejistu ona iha Komandu Jerál, maibé nia prosesu kontinuasaun ne’e parte Komandu Munisípiu Dili, mak atende,” nia hakotu.

Lee Mós :

Governu Altera Estatutu F-FDTL, Elimina Restrisaun Ne’ebé Inpoin ba Militár

Antes ne’e Xefe Suku Maskarinhas, Rui Ilidio de Araujo, informa konfrontu akontese iha area Maskarinhas, iha loron Sábadu iha oras 03:00, madrugada iha serimónia kazamentu ida, hafoin mak akontese konfrontu entre joven ho joven asaltu malu hodi rezulta Vítima CDS hetan kanek grave no komunidade sira-nia sasán hetan estagu.

“Konfrontu ne’e, ita bele dehan ema deskoñesidu, tanba ha’u rasik mós iha tenda laran, ema iha festa ne’e kontente han-hemu no dansa, maibé derrepente iha estrada públiku ema deskoñesidu sira asaltu no tuda malu, ema ne’ebé tuda vítima ne’e husi Bairru seluk mak mai tuda vítima CDS,” Nia hateten iha sede suku Maskarinhas, Sábadu (19/11).

Lee Mós :

Joven Na'in-2 Asaltu PNTL ho Bomba Molotov iha Graduasaun Membru PSHT

Nia dehan, komunidade balun nia sasán hetan estagu ne’e, ema deskoñesidu mak estaga, tanba ne’e nia parte seidauk bele ko’alia kona-ba ida ne’e, maibé la bele dehan nain ba kazamentu mak tenke responsablidade, maibé tuir nia hatene kuandu serimónia problema akontese iha tenda laran, hafoin festa nain bele responsabilidade.

1,433 total views, 3 views today

Oinsa Ita nia Reaksaun iha Notisia Nee?