ADVERTISEMENT

Lider Hosi Partidu-Boot Balun “Sama-Maluk Uluk” Tiha Molok Sama Eskada Sa’e Palku Kampane

Mario da Costa - Opiniaun
  • Share
Domingos Maia

Loron O2/02/2023, Hakerek Na’in: Domingos Maia.

Maluk konsidadaun sira:

ADVERTISEMENT
SCROLL FILA BA NOTISIA


Ema wa’in toman tiha ona hodi dehan: “El-Par mak biban ida ba Selebra Festa Demokrasia”.

Povu baibain nia hanoin simples de’it mak haki’ak ambiente ida nakunu ho ksolok no liberdade atu expresa nia hanoin no hakaran liuhosi atitude dignu respeitu ba malu.

Ezemplu-di’ak mak, uluk nana’in, Na’i-Ulun Boot sira tenke hatudu-an sai duni Modelu Unidade Nasaun nian.

Loos duni, dala barak ona, ema uza lia-fuan murak ne’e: “Ikan dodok uluk hosi ulun” bainhira mate.

Ema mós baibain dehan: “Ema sira moris iha tasi- ibun, sai matenek, soi kakutak-nabilan tan tohik mohuk ikan-ulun”.

Lisaun-murak saida mak aprende hosi lia-murak rua leten ne’e maka:

a) Na’i-ulun boot sira-nia kakutak dodok uluk tiha ona mak lanu povu sai rungu-ranga no Nasaun ne’e sei sai buras ho “Crise Impasse Política” de’it.

b) Nune’e mós, se Na’i- Ulun Boot sira hatudu duni Unidade Nasional nian no hana’i-malu, maske iha diferensa vizaun polítika, povu ne’e sei koko duni selebra ambiente Festa Demokrasia nian nebé baburas hafutar nia moris ho dame no hakmatek.

c) Tuir loloos, “karau mak dada xarua” (bajak) iha natar-laran; maibé se observa iha natar-laran polítika TL nian, oin-seluk fali?!? …

Kuidadu atu povu keta mout hela ba fatin iha polítika tahu-dodok laran.

Povu rasik tenke aprende atu sai matenek-krítiku no alerta ba tahek polítika ida nebé loos no moos hodi soi moris ne’e ho domin, dame no ksolok nakunu.

d) Se El-Par sai duni biban ba festa demokrasia, mak povu tomak sei nadodon ba kazajadu no gravatadu, forma iha altar-urna oin hodi hasa’e nia oferta-murak hosi fuan no neon-klean mak ida de’it: Atu harii Nasaun RDTL liuhosi ukun ida nebé soi karater ai-hún boot mahon-malirin nebé halibur ema-hotu; la’ós atu na’i-ulun boot sira sukit-malu hamanas povu haksunik fali kroat no mehik iha fuan no neon-laran ba halakan fali ahi-violénsia no konflitu sosiál uluk nian. Seráke ida ne’e mak lala’ok dinamika modelu Festa Demokrasia, ohin loron?!?!

Otimista de’it, povu doben votante sira: Hein katak sei la akontese buat mehi-aat. Maibé husu: sira ne’e mak na’i-ulun ideál nebé povu maubere hein no hadomi nafatin kah?!?! …

Mai ita aprende tan.

 2,181 total views,  6 views today

Lee Mós :
Sistema “SAPU BERSIH” Hakiak Ideolojia Nepotizmu Buras Iha Timor-Leste

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No