DILI, (Timorpost.com)—Ministru Negósiu Estranjeiru no Kooperasaun (MNEK), Bendito dos Santos Freitas, atualiza servisu ba Prezidente Repúblika (PR), Jose Ramos Horta relasiona ho servisu Kooperasaun internasionais no asuntu konflitu global, ne’ebé daudaun ne’e mundu hasoru.
“Asuntu prinsipál maka Prezidente Repúblika ho ami hamutuk hare no reflete kona ba situasaun polítika global, liu-liu statementu ka deklarasaun Timor-Leste nia ba Polítika global ba asuntu sira hanesan, Mal do Súl, Xina, no kestaun sira Myanmar no Ukrainia,”dehan Bendito ba jornalista sira, Kuarta (12/06).
Nia haktuir, Timor-Leste, Prezidente Repúblika nu’udar xefe estadu, iha fundamentu prinsipál ba Polítika esterna atu bele apoiu nafatin, ba kestaun sira internasionál nian .
“Ida-ne’e ohin asuntu ne’ebé ami ko’alia ho Prezidente Repúblika, “dehan.
Alende ne’e iha enkontru ne’e mós diskute kona-ba planu Prezidente Repúblika nia viajen, ne’ebé sei hala’o ba Nasaun Mozambique, depois liu ba Angola, ida ne’e koordenasaun, saida mak atu ba ne’ebá, no enkontru sira ne’ebé sei akontese ne’ebá.
591 total views, 108 views today
Bele hare Video Seluk :
Subscribe to Timorpost
