DILI (TimorPost.Com)—Governu Australia liu hosi nia embaixada iha Timor-Leste hamutuk ho Universidade Nasionál Timor Loro Sa’e (UNTL) realiza semináriu liga ba ameasa hosi virus Rabies ba ema nia vida.
Seminariu Sientifiku ne’e ho tematiku: “International Cooperation To Created A Rabies-Free Environment in Timor-Leste”.
Governu Australia hanesan parseiru estratéjiku ida ne’ebé nunka kolen no sempre apoiu Timor-Leste iha situasaun emerjénsia hanesan Covid-19 no virus Rabies.
“Governu Austrália hanesan parseiru estratéjiku ne’ebé sempre nunka kolen apoiu ita iha buat barak loos liga ba rekursu ne’ebé ita uza hodi halo prevensaun ba virus Covid-19 no Rabies. Dehan Sekretáriu Estadu Agro Pekuária, Jose Vieira de Araújo ba jornalista sira iha Salaun CNE, Kolmera, Kuarta (05/06).
Governante ne’e esplika, antes ne’e identifika katak Timor-Leste espalla ona virus Rabies hosi parte osidentál Oekusi, parte Governu alarga kedas ba embaixada Repúblika Indonézia no enkontru hodi hasai karta ida ba iha Kupang-Nusa Tenggara Timur (NTT), atu halo vijilánsia iha rai laran sira mós halo vijilánsia iha sira nia territóriu laran.
“Ita iha ona dekretu lei Nu.12/2014 kona-ba restrusõens movimentu animal, tanba ne’e aleinde ko’alia animal seluk ko’alia mós asu, iha ita nia lei ne’e estekula katak se mak iha asu karik kesi, ou tata ema karik nia na’in tenke responsavel”. Nia dehan.
Iha parte hanesan, reprezentante Estudante UNTL, Fakuldade Siénsia Saúde, Delivio Vicente Lopes hatutan, prevensaun ba virus ou moras Rabies ne’e importante tanba ligadu ba ema nia vida.
“Ha’u hanoin moras Rabies ne’e seidauk espalla barak, ho ida ne’e, liu husi semináriu sientífiku ne’e, ita bele habelar tan koñesimentu estudante sira nian ,kona ba oinsá mak maneira prevene moras rabies liu husi vasinasaun rabies ba asu sira ne’e”. Nia informa.
Entretantu moras Rabies Nu’udar moras ida tranzmite hosi animal ba ema, kauza hosi virus ida. Animal asu responsabiliza ba 96% kauza raiva ba ema iha Sudeste Aziátiku.
984 total views, 12 views today
Bele hare Video Seluk :
Subscribe to Timorpost
