DILI—partidu Unidade Nacional Democrática da Resistência Timorense (UNDERTIM), husu ba Polísia Nasionál Timor-Leste (PNTL) ho FALINTIL-Forsa Defeza Timor Leste (F-FDTL) atu asegura seguransa másimu iha Eleisaun Parlamentár (ElPar) tinan nee.
“Ita husu atu seguransa másimu, tanba determina destinu nasaun nian liuhusi sistema eleisaun prezidensiál no parlamentár”, pontu fokal partidu UNDERTIM, Adolfo da Silva, hatoo asuntu nee ba Timor Post, iha salaun STAE Kaikoli, Kuarta (07/03).
Nia dehan, bainhira eleisaun parlamentár nee atu lao ho dignu, presiza iha seguransa másimu husi instituisaun PNTL no F-FDTL.
“Ita husu ba seguransa PNTL ho F-FDTL, presiza fó seguransa másimu ba fiskais sira iha sentru votasaun, liuliu iha tempu kontajen votu, tanba esperiénsia tinan kotuk, asaun krime mosu iha sentru votasaun, bainhira halao hela kontajen votu, tanba nee mak husu seguransa tenke másimu”, nia afirma.
Nia sujere, membru seguransa neebé koloka ba iha sentru votasaun sira, tenke onestu no justu, atu nunee bele halo seguransa diak iha tempu votasaun.
“tanba nee mak ami husu ba STAE, atu haree situasaun sira nee, hodi seguransa sira bele halo servisu ho diak”. Nia fó hanoin.
Iha fatin hanesan, Diretór Jerál Sekretariadu Tékniku Administrasaun Estatál (STAE), Acelino Manuel Branco, hatete seguransa nee importante atu servisu hamutuk ho STAE, bainhira tempu eleisaun.
“tanba nee mak PNTL ho F-FDTL, ita tenke iha liña koordenasaun neebé mak diak, nunee espera katak ba oin servisu sira nee bele lao ho esensiál”. Nia afirma.
1,269 total views, 3 views today
Bele hare Video Seluk :
Subscribe to Timorpost
