ADVERTISEMENT

Xanana Hakarak CNRT Manan Absoluta iha RAEOA

Mario da Costa - Raeoa
Jornalista : Jerimias Soares
Editor : Mario da Costa
  • Share
Prezidente Partidu CNRT, Kay Rala Xanana Gusmão, halo konsolidasaun iha Oe-kusse, Imajen Esp.

OE-KUSSE (timorpost.com) – Partidu Kongresu Nasionál Rekonstrusaun Timorense (CNRT), Kinta (12/01), kontinua konsolida ninia forsa iha Rejiaun Administrativa Espesiál Oe-Kusse Ambenu (RAEOA) hodi prepara forsa atu hasoru eleisaun parlamentar iha tinan ida ne’e.

Prezidente Partidu CNRT, Kay Rala Xanana Gusmão, alerta ba estrutura másimu atu servisu makas hodi bele fó vitória ba CNRT bele manan absoluta iha rai-ketan Oe-Kusse Ambenu.

ADVERTISEMENT
SCROLL FILA BA NOTISIA


Xanana konxiente, maski CNRT tinan lima la envolve iha Governu, maibé CNRT sempre hamutuk ho povu bainhira hasoru situasaun krusiál hanesan dezastre naturál, pandemia mundiál COVID-19, hodi sosializa informasaun ba povu tomak iha Munisípiu no suku sira iha territóriu nasionál no buka solusaun bainhira povu efrenta problema hamlaha iha susar nia laran.

Lee Mós :
Bano Konsidera Traballu Infantíl Númeru Aas Kauza Hosi Kiak

Nia dehan, CNRT hamariik nu’udar partidu boot ida hamutuk ho povu atu manan tan iha eleisaun parlamentar, nune’e bele hadi’a naksalak no lakunas hirak ne’ebé akontese durante ne’e iha rai-laran.

“Ha’u mai atu fó forsa no enkoraja imi, tanba bainhira ita manan absoluta, ita sei hadi’a fallansu sira hotu iha Oe-kusse to’o rai boot hodi hadi’a ita nia-rain no hadomi povu ida ne’e,” Xanana hateten durante eventu konsolidasaun no enkontru alargada ho estrutura partidu nian iha Oe-kusse hodi halo preparasaun hasoru eleisaun parlamentar ne’ebé hala’o iha sede CNRT, Numbei, Oe-kusse vila, Kinta (12/01).

Lee Mós :
Rogério Lobato Promete Verifika Kualidade Servisu Autoridade Anterior

Xanana informa durante tinan lima ukun, Governu atuál lideradu Taur Matan Ruak, nunka halo buat foun ruma iha nasaun ne’e.

Konsolidasaun partidu CNRT ne’e partisipa direita hosi deputadu Bankada CNRT na’in-21 no koordenador partidu Munisípiu 13 hodi hamutuk ho estrutura CNRT iha Oe-kusse konsolida forsa CNRT iha postu haat hanesan Oesilo, Pasabe, Nitibe no Pantai Makasar no fatin seluk tan.

Deputadu CNRT nian hotu-hotu mai Oe-kusse hodi hakbesik aan ba povu ko’alia programa partidu nian ba povu bele intende hodi fó fiar ba partidu.

“Ami mai hotu iha ne’e, atu fó apoiu polítiku moral, hodi fó apoiu ba imi iha eleisaun parlamentar ne’e ita tenki sapu rata tiha iha Oe-kusse, mezmu iha Dili ne’eba ita-nia forsa no fatin seluk tan,” nia informa.

Lee Mós :
Defeza ba Kazu Eis Padre Amerikanu husu Lejada ho Sasin Sira ba Presta hotu Deklarasaun iha Tribunál

Nia hatutan, “Haree ba povu nia moris no dezenvolvimentu rai ida ne’e, ha’u kala tenke sai Primeiru Ministru. Se nune’e iha rai ida ne’e (Oe-Kusse) ita tenki sapu rata, tanba ita lakohi haree povu ida ne’e terus bebeik”.

 4,988 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana Hakarak CNRT Manan Absoluta iha RAEOA” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No