DILI (timorpost.com)—Diretór Gabinete Polítika Planeamentu Kooperasaun iha Ministériu Saúde, Narciso Fernandes, hatete, durante prezensa Ró Ospitál militár Xina “Peace Ark” iha Timor-Leste konsege halo operasaun ba timoroan hamutuk 50 pasiente.
Xefe Gabinete Ministériu Saúde, informa, durante prezensa Ro Ospital Militar Xina “Peace Ark” halao misaun iha Timor-Leste, pasiente hamutuk 2.600 mak hetan tratamentu susesu iha misaun ne’e.
“Husi Pasiente 2.600 ne’e inklina pasiente 50 hetan operasaun kiik durante Ró ne’e halo misaun iha Timor Leste,” Diretór Gabinete Polítika Planeamentu Kooperasaun iha Ministériu Saúde, Narcisio Fernandes, ba Jornalista iha Portu Dili, Domingo (10/09/2023).
Nia esplika, pasiente sira ne’e maioria ho moras appendix ba pasiente ne’ebé halo operasaun ki’ik, tanba operasaun boot ne’e labele kestaun tempu, entaun refere ba Hospital Nasionál Guido Valadares (HNGV).
Alende ne’e, médiku Xineza halo vizita iha munisípiu Likisá ne’ebé hetan pasiente porvolta 300 resin no Atauru 500 resin.
Nia esplika, tratamentu ne’ebé brigada Xineza hala’o ne’e la dook hosi atendimentu iha rai laran, tanba halo operasaun hanesan baibain no tratamentu jerál hanesan iha HNGV. Vizita ne’e pertinente tanba tratamentu gratuita.
1,458 total views, 3 views today
Bele hare Video Seluk :
Subscribe to Timorpost
