DILI (Timor Post.com)—International Peace Youth Group IPYG liu husi Public Peace art of Project (HWPL), kooperasaun ho Arte Moris halo pintura ka dezeñu ba dame, hodi inspira komunidade kria paz no estabilidade iha Timor Leste.
“Ita hakarak sidade Timor Leste sai fatin furak no paz ba komunidade hotu, nune’e ita halo pintura dame ne’e hanesan motivasaun.” Prezidente Arte moris, Ilivatu Danapere ba Timor Post iha fatin Sport Center Formoza, Sábadu (09/09/2023).
Tu’ir Prezidente Arte moris, Ilivatu Danapere hatete, husi pintura ida ne’e iha sentidu, oinsá motiva komunidade Timor oan hotu, harii dame no paz,
Tanba nasaun TL hakarak moris ho Paz no estabilidade, entaun ami halo dezeñu sira ne’e, parte ida bele inspira no motiva ita nia komunidade, hodi hapara konflitu, kria dame iha rai laran.
Prezidente ne’e dehan, husi inisiativa Arte moris no estudante universitária sira balun mai hamutuk halo pintura ba dame nian, apoiu husi HWPL, International Peace Youth Group IPYG.
Ilivatu afirma, husi apoiu ida ne’e sein finanseiru, no ami kontribui tuir ami kbiit rasik, hodi sosa tinta, ho material sira seluk, tanba ne’e ami husu ba Ministériu Juventude Desportu Arte no Kultura, atu fó atensaun,
“Durante ita haree MEJDK fó prioridade de’it, ba arte-Cultural, desportu sira, maibé arte-pintura menus tebes, nune’e husu atu fó mós prioridade. Prezidente Arte moris, Ilivatu Danapere hateten.
650 total views, 3 views today
