Timorpost.Com | NASIONAL – Prezidente Parlamentu Nasionál Aniceto Guterres sei assume kargu interinu hanesan Prezidente Repúblika bainhira Xefe Estadu atuál iha ajenda servisu nian ba rai li’ur.
“Ha’u akompaña Prezidente hanesan ha’u nia substitutu kuandu tersa feira sai ba Korea Súl, Singapura, fila mai tenke arranka kedas ba Roma”.
Afirmasaun ne’e espresa hosi Jose Ramos Horta, atuál Prezidente Repúblika hafoin simu audiénsia ho Prezidente Parlamentu Nasionál, Aniceto Guterres iha Palásiu prezidensiál, Sesta 26/05/2023.
Durante reuniaun, ko’alia mós kona-ba viajen Prezidente Repúblika nian ba estranjeiru, ne’ebé durante auzénsia Prezidente Parlamentu Nasionál sei assume interinamente hodi garante funsionamentu órgaun soberania refere.
Loron antes, Parlamentu Nasionál liu husi sesaun plenária estraordinária iha loron 25 fulan maiu tinan 2023, liu husi votasaun, autoriza dezlokasaun Prezidente Repúblika, José Ramos Horta, ba nasaun Koreia no Singapura, iha loron 30 fulan maiu too loron 5 fulan Juñu tinan 2023.
Nune’e mós autoriza dezlokasaun ba Italia ka sidade Vatikanu, iha loron 8 too loron 12 fulan Juñu tinan 2023.
Autorizasaun ba dezlokasaun ne’e ho votus 46 a favor, 0 kontra no 0 abstensaun No Sesaun plenária estraordinária ne’e prezide husi Prezidente Parlamentu Nasionál, Aniceto Guterres.
3,570 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Horta Auzensia, Aniceto Guterres Assume Prezidente Repúblika Interinu](https://timorpost.com/wp-content/uploads/2023/05/FB_IMG_1685070099080-1.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)