ADVERTISEMENT

PNTL Sei Kaptura Autór ID Falsu Espalla Informasaun Tiru Lider Na’in Rua

Mateus da Cruz - Dili
  • Share
Portavós Komandu Jerál PNTL, Superintendente Xefe Armando Monteiro, Imajen TP/jaime pires

(Reportajen Jaime Pires/Editor Mateus da Cruz)

DILI (Timor Post)- Komandu Jerál Polísia Nasionál Timor-Leste (PNTL), simu ona karta husi Vise-Ministru Interior (V-MI), António Armindo, atu kaptura Autór ne’ebé uza ID falsu iha Facebook hodi públika informasaun atu tiru lider Nasionál Kay Rala Xanana Gusmão no José Ramos Horta.

ADVERTISEMENT
SCROLL FILA BA NOTISIA


“Sim, Sua-Exelénsia Vise Ministru haruka ona karta mai, no ida ne’e tama ona estratéjia ita nia hodi buka tuir ID falsu ne’e,” dehan Portavós Komandu Jerál PNTL, Superintendente Xefe Armando Monteiro, ba jornalista sira liuhusi konferénsia imprensa ne’ebé mak realiza iha, Kaikoli, Sábadu (23/04).

Lee Mós :
SNFPE Bekora Produs Ona Formandu Na'in-4507

Nia reforsa, tanba ne’e agora ida ne’e mós tama ona ba sira nia planu no estratéjia hodi buka tuir ID Falsu ida ne’e hodi prosesu tanba, nia lori Vise-Ministru Ministru nia naran no lider balun nia naran.

“Maibé Vise Ministru rasik deklara ona katak ne’e informasaun ne’ebé mak falsu, no husu ba públiku lalika fiar Informasaun ida ne’e, tanba ne’e AiD falsu ne’ebé mak laiha responsabilidade mak halo propaganda falsu,” hatete Nia.

Lee Mós :
“Númeru 3 Ne’e Iha Signifikadu Rasik Mai Ha’u Nia Vida”

Maibé tanba karta husi Vise-Ministru tun ona ba Komandu jerál nune’e agora daudaun PNTL halo ona planu no estratéjia hodi buka tuir suspeitu ne’e.

Antes ne’e, Vise-Ministru Interior, António Armindo deklara ona katak informasaun ne’e falsu, no laiha lider ida mak orienta nia hodi tiru lider nasionál sira liu-liu hanesan Kay Rala Xanana Gusmão no José Ramos Horta.

Lee Mós :
JSMP Halo Peskiza ba Idade Menór Tuir Kódigu Penál no Sivíl

Vice Ministru ne’e husu ba PNTL atu fó seguransa másimu ba líder nasionál sira hanesan Xanana Gusmão, Ramos Horta, Taur Matan Ruak, Fransisco Guterres Lú Olo, Mari Alkatiri, Lere Anan Timur, no sira seluk tan.(Lee Notísia Seluk Iha Jornál Timor Post/Asesu You Tube Timor Post)

 783 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Sei Kaptura Autór ID Falsu Espalla Informa…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No